«Muǵalimder eńbek demalysyna mamyr aiynda shyqty. Olar úsh ai boiynda tek ailyq alyp keldi. Endi muǵalimderge demalysta beriletin aqshany tóleýimiz kerek- dep atap ótti Kahhorzoda.
Qarjy ministri halyqqa qansha aqsha qaryz ekenin naqty aitpady, biraq jaqyn kúnderi ailyq beriledi dep ýáde berdi.
Rogýn qalasyndaǵy injener-tehnikalyq kolledjdiń qyzmetkerleri sońǵy birneshe aidan beri eńbekaqysyn ala almai júrgenin málimdegen. Kolledj Rogýn GES-ine qaraidy.
Tájikstandaǵy TALKO jáne Rogýn GES-i kompaniialarynyń qyzmetkerleri de ailyǵyn ala almai kele jatqanyn málimdedi. Onda 25 myń adam qurylys alańynda jumys istep jatyr. Tek Salini Impregilo italiialyq jáne reseilik kompaniialardyń jumysshylary ǵana eńbek aqysyn ýaqytynda alǵan.
Tájikstanda Eńbek kodeksinde ailyqty ýaqytyly bermegen kompaniia basshylaryna aiyppul talap etý qarastyrylǵan.
Tájikstannyń prezident janyndaǵy statistika agenttiginiń málimeti boiynsha, 1 sáýirge deiin ailyq boiynsha bereshek 5,1 mln dollar bolǵan. Bul 2019 jyldyń alǵashqy toqsanymen salystyrǵanda 27 paiyzǵa kóp.
Sarapshylardyń aitýynsha, eńbekaqy boiynsha qaryzdyń kólemi azamattyq soǵys jyldarymen birdei bolyp qalǵan. Eńbekaqysyn ala almai otyrǵan adamdardyń 75 protsenti paidaly qazbalardy zertteýde, transport jáne qaita óńdeý salasynda jumys isteidi.
