2024 jyly 6,5 jylǵa sottalǵan, "Aika" laqapatymen tanymal Aiǵanym Myrzahmetovanyń jazasyn óteý merzimi eki jylǵa shegerildi. Endi ol probatsiialyq baqylaýda bolady, dep habarlaidy Dalanews.kz.
Abai oblysy Jarma aýdanynyń soty sottalǵan M.-niń jazany óteýdi keiinge qaldyrý týraly ótinishin qaraǵan. Buǵan sebep - onyń kishkentai balasy bolýy.
Sot málimetinshe, Aikanyń 2020 jyly týǵan balasy bar. Sot onyń jazany keiinge qaldyrý týraly ótinishin qanaǵattandyrǵan.
Ótinishti qaraý barysynda Aikanyń qorǵaýshysy, №23 mekeme ókili jáne prokýror bul ótinishti qoldaǵan.
Eske salaiyq, 2024 jyly 21 mamyrda Almatynyń Áýezov aýdandyq soty blogerdi asa iri mólsherde psihotrop zatty zańsyz satyp alý, saqtaý jáne tasymaldaý, jeńgetailyq jasaý derekteri boiynsha kináli dep taýyp, 6 jyl 6 aiǵa bas bostandyǵynan aiyrdy.
