2024 جىلى 6،5 جىلعا سوتتالعان، "ايكا" لاقاپاتىمەن تانىمال ايعانىم مىرزاحمەتوۆانىڭ جازاسىن وتەۋ مەرزىمى ەكى جىلعا شەگەرىلدى. ەندى ول پروباسيالىق باقىلاۋدا بولادى، دەپ حابارلايدى Dalanews.kz.
اباي وبلىسى جارما اۋدانىنىڭ سوتى سوتتالعان م.ء-نىڭ (ايكا) جازانى كەيىنگە قالدىرۋ تۋرالى ءوتىنىشىن قاراعان. بۇعان سەبەپ - ونىڭ كىشكەنتاي بالاسىنىڭ بولۋى.
سوت مالىمەتىنشە، ايكانىڭ 2020 جىلى تۋعان بالاسى بار. سوت ونىڭ جازانى كەيىنگە قالدىرۋ تۋرالى ءوتىنىشىن قاناعاتتاندىرعان.
ءوتىنىشتى قاراۋ بارىسىندا ايكانىڭ قورعاۋشىسى، №23 مەكەمە وكىلى جانە پروكۋرور بۇل ءوتىنىشتى قولداعان.
ەسكە سالايىق، 2024 جىلعى 21 مامىردا الماتىنىڭ اۋەزوۆ اۋداندىق سوتى بلوگەردى اسا ءىرى مولشەردە پسيحوتروپ زاتتى زاڭسىز ساتىپ الۋ، ساقتاۋ جانە تاسىمالداۋ، سونداي-اق، جەڭگەتايلىق جاساۋ دەرەكتەرى بويىنشا كىنالى دەپ تانىپ، 6 جىل 6 ايعا باس بوستاندىعىنان ايىرۋ جازاسىنا كەسكەن ەدى.
