Álemge tanymal The Kills dýeti biyl Almatyda ótetin Park Live Almaty festivalinde óner kórsetedi. Mýzykalyq shara 21–23 tamyz aralyǵynda uiymdastyrylady, dep habarlaidy Dalanews.kz.
The Kills - minimalistik post-pank stilimen tanylǵan dýet. Toptyń shyǵarmashylyǵy elektro jáne akýstikalyq gitaranyń úilesimi, dram-mashinanyń yrǵaqty úni men áserli vokalǵa negizdelgen. Amerikalyq vokalist Elison Mosshart pen britandyq gitarist Djeimi Hinsten quralǵan ujym tyńdarmanyn alǵashqy notalardan-aq baýrap alatyn oryndaý mánerimen erekshelenedi.
Uiymdastyrýshylardyń aitýynsha, The Kills-tiń Almatyǵa kelýi Qazaqstan ǵana emes, búkil Ortalyq Aziia úshin mańyzdy mádeni oqiǵa bolmaq.
“Almaty aimaqtyń festival ortalyǵyna ainalyp keledi. Maqsatymyz – Qazaqstanǵa "úlken mýzykany" kóbirek tartý. Byltyr bizdiń festivalge 40 myńnan astam adam qatysty”,- deidi Park Live Almaty uiymdastyrýshylary.
Aita keteiik, festival aiasynda The Kills-pen qatar, álemdik mýzyka sahnasyndaǵy tanymal ártister Jack White jáne Gorillaz, sondai-aq qazaqstandyq mýzykanttar da óner kórsetedi.
Park Live Almaty festivali ártúrli mýzykalyq baǵyttaǵy oryndaýshylardy bir sahnada toǵystyryp, kórermenge halyqaralyq deńgeidegi kontserttik baǵdarlama usynýdy kózdeidi.
