Áigili saksofonshy Túrkistandaǵy djaz festivalinde óner kórsetti
Djaz áleminiń juldyzy Igor Býtman – Túrkistan drama teatrynyń sahnasynda. Túrki áleminiń rýhani ortalyǵy - Túrkistan tarihynda tuńǵysh ret djaz festivalin ótkizdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
«Turkistan Jazz Party I» gala – kontserti Túrkistan oblysynyń qurylýynyń úsh jyldyǵyn merekeleý aiasynda ótti. Is-shara barysynda jinalǵan 1 million teńge kólemindegi qarajat «Arýjan Sain» qaiyrymdylyq qoryna aýdarylady.
Djaz – kóńil-kúi men tolqýǵa toly mýzyka. Djaz – bul improvizatsiia, maǵynaly kompozitsiia ǵana emes, jalpy oilaý tásili. Tek kásipqoilar igere alatyn orasan zor eńbek. Kesh baǵdarlamasynda «X BAND», «Dara», «Amerikano Bend», Gaýhar Sattarova jáne STEPS toby, Janna Orynbasarova men Band sekildi tanymal oryndaýshylar men aty ańyzǵa ainalǵan djaz saksofonshysy Igor Býtman óner kórsetti.
Igor Býtman – reseilik saksofonshy, Tagankadaǵy Máskeý djaz klýbynyń kórkemdik jetekshisi, Butman Music orys-amerikalyq djaz etiketkasynyń iesi. 11 halyqaralyq festivaldyń prodiýseri. Jandy daýysta óner kórsetken djaz áýesqoilary kórermenderge sergektik pen kóterińki kóńil-kúi syilady. Aita keteiik, budan bylai «Turkistan Jazz Party» Djaz festivali Túrkistanda jyl saiyn ótkiziletin bolady.
