Ulttyq qýyrshaq óneriniń temirqazyǵy sanalatyn Almaty Memlekettik qýyrshaq teatry Frantsiia memleketinde ótetin zamanaýi teatr óneriniń eń aýqymdy sharalarynyń biri «Off Avignon» halyqaralyq festivaline qatysýǵa joldama aldy.
Tarihy 1947 jyldan bastaý alatyn álemdegi eń bedeldi ári kórnekti mádeni shara Frantsiia memleketi Avinon qalasynda jyl saiyn ótkizilip keledi. Búginde festival túrli memlekettiń túkpir-túkpirinen kelgen shyǵarmashylyq ujymdardy bir arnaǵa toǵystyryp, mádeni tájiribe almasýdyń mańyzdy ortalyǵyna ainalyp otyr.
Teatr atalmysh festival aiasynda Ýiliam Shekspirdiń klassikalyq týyndysy «Romeo men Djýletta» spektaklin 16-26 maýsym kúnderi saǵat 20:40-ta «LaScierie» teatry sahnasynda usynady. Spektakl jastardyń tańdaý erkindigi, patriarhaldy júieniń qysymy, urpaqtar arasyndaǵy túsinispeýshilik jáne álemdegi ultaralyq taptyq, mádeni kedergiler siiaqty ózekti máselelerdi qýyrshaq óneriniń zamanaýi úrdisi arqyly kórsetedi. Atalmysh spektakl rejisseri talantty Dina Jumabaidyń erekshe shyǵarmashylyq qoltańbasy spektaklge emotsionaldy tereńdik pen astarly simvoldardy qosyp, vizýaldyq jáne mýzykalyq sheshimder arqyly kórermenge erekshe áser qaldyrady. Spektaklde kórkem qýyrshaq plastikasy men akterlik oiyn úilesimdi ushtasyp, poetikalyq ári áserli sahnalyq atmosfera qurylady.
«Off Avignon» festivaline qatysý Almaty qýyrshaq teatrynyń tarihyndaǵy aitýly beles, ulttyq qýyrshaq ónerin álemdik deńgeide tanystyrýǵa taptyrmas múmkindik. Biz klassikalyq shyǵarma Ýiliam Shekspirdiń «Romeo men Djýletta» tragediiasyn qýyrshaq tilimen jańasha túrlendirip usyndyq. Spektaklde akterlik sheberlik pen kórkem qýyrshaq plastikasy úilesim taýyp, kórermenge jańa estetikalyq áser syilaidy. Spektakl ótken ǵasyrdaǵy otbasy tarihyn ǵana emes, sonymen qatar búgingi tańdaǵy ózekti máselelerdi qamti kele, máńgilik óshpes taqyryptardy tereńinen qozǵaidy. Bul sapar bizdiń ujym úshin úlken jaýapkershilik ári shabyt kózi», - deidi Memlekettik qýyrshaq teatrynyń direktory Almat Amangeldi.
«Romeo men Djýletta» spektakli 2024 jyly Kanada memleketi Ottava qalasynda ótken I-shi Halyqaralyq «Ottava» qýyrshaq teatrlar festivaline tuńǵysh ret qatysyp, «Gran-Pri» júldesine, 2022 jyly Bolgariianyń Varna qalasynda ótken «Altyn delfin» halyqaralyq festivalinde «Gran-pri», sondai-aq, «Eń úzdik er adam róli» jáne «Eń úzdik debiýt» nominatsiialaryn, 2021 jyly Qaraǵandyda ótken «Syn - shyn bolsyn» respýblikalyq teatr festivalinde «Gran-pri» júldesin ielengen!
«Off Avignon» festivaline qatysý teatr ujymy úshin zor mártebe ǵana emes, sonymen qatar qazaq qýyrshaq óneri men mádeni bolmysyn álem jurtshylyǵyna tanytatyn biregei múmkindik. Bul - ulttyq ónerdiń ózindik boiaýy men tereń rýhani mánin halyqaralyq deńgeide pash etip, qazaq mádenietiniń kópqyrlylyǵyn kórsetýge jol ashatyn, shyǵarmashylyq izdenister men rýhani úndestikter toǵysatyn asa mańyzdy alań.
Eýropa sahnasynda el atyn asqaqtatatyn áriptesterimizge sáttilik tileimiz!
