Ańyzǵa aınalǵan «Dos-Muqasan» tobynyń solısi Murat Qusaıynovqa qatysty qylmystyq is qozǵaldy. Ol bılik ókilin kemsitti dep aıyptalyp otyr, dep habarlaıdy Stan.kz aqparat agenttigi elordadaǵy Esil aýdandyq №2 sotqa silteme jasap.

Belgili bolǵandaı, Murat Qusaıynovqa qatysty QR QK 378-baby 1-bóligine (Bılik ókilin kemsitý) sáıkes sotqa deıingi tergeý bastalǵan.

Negizgi sot otyrysy 20 maýsymda Nur-Sultan qalasynyń Esil aýdandyq №2 sotynda ótedi.

Esterińizge sala ketsek, jaısyz jaǵdaı 14 sáýir kúni «Eır Astana» áýe kompanıasynda boldy. Kompanıa málimetinshe, Murat Qusaıynov qyzmetkerlerge daýys kóterip, beıádep sózder aıtqan. Keıin ekıpaj ushý qaýipsizdigi úshin ony tasymaldaýdan bas tartty.

Bul oqıǵadan keıin mýzykant kompanıa ókilderiniń ózin tómendetkisi kelgenin aıtty.

Artynsha Nur-Sultan qalasynyń mamandandyrylǵan aýdanaralyq soty Murat Qusaıynovqa 12 625 teńge (5 AEK) kóleminde aıyppul saldy.