QMDB áielderdiń meshitte namaz oqýyna qatysty málimdeme jasady, dep habarlaidy Dalanews.kz.
QMDB ókilderiniń aitýynsha, negizi áielderdiń meshitke baryp jamaǵatpen namaz oqýynyń oqasy joq. Biraq úiinde oqyǵany abzal.
"Hanafi mázhabynyń ǵalymdary fitnaǵa (buzaqylyq) túsip qalý qaýpi bolǵandyqtan jas áielderdiń meshitke baryp jamaǵatpen namaz oqýyn mákrýh sanaǵan. Sebebi Alla Elshisi (oǵan Allanyń salaýaty men sálemi bolsyn): «Úileri olar úshin meshitke barýdan da qaiyrly», – degen. Al jasy úlken qart áielderdiń tań jáne aqsham men quptan namazdarynda meshitke barýyna bolady.
Bul imam Ábý Hanifanyń kózqarasy. Óitkeni nieti buzaqylar besin men ekinti namazynda qaptap júredi. Aqsham namazynda keshki asyn ishýmen álek, tań namazy men quptanda uiqyda bolady deidi. Ábý Iýsýf pen Muhammedtiń pikiri boiynsha qart áielder barlyq paryz namazdarda meshitke bara alady", delingen málimdemede.
Alaida meshitte áielderge arnalǵan bólek jer bolsa jáne ol jerge barar jol da kópshilikke kórinbeitindei bolsa oqasy joq. Basty maqsat áieldiń abyroiy men qoǵamda túrli búlikterdiń týýyna jol bermeý deidi QMDB ókilderi.
