Áielder men erlerdiń eńbek naryǵyndaǵy teń múmkindikterine qatysty forým ótti
Forýmdy "Bolashaq" halyqaralyq stipendiiasy túlekteriniń qaýymdastyǵy, M.S.Nárikbaev atyndaǵy KazMZÝ Ýniversiteti, KAZGUU Business School birlese uiymdastyrdy. Forýmda áielder men erler úshin eńbek naryǵyndaǵy teń múmkindikter, jalaqy, álemdik trendter jáne genderlik teńgerim máseleleri talqylandy. Talqylaý formatynda elimizdegi áielderdiń áleýetin teń dárejede paidalaný máselesi kóterildi.
Forým sońynda shara moderatory, QR Aqparat jáne qoǵamdyq damý vitse-ministri Aleksandr Danilov elimizde áielder kóshbasshylyǵyn ilgeriletýdiń jáne áielderdiń áleýetin paidalanýdyń mańyzdylyǵyna toqtaldy: «Bul baǵyttaǵy memlekettik saiasat belsendi, biraq biz áielderge teń jaǵdai jasaý maqsattaryna jetý úshin budan da kóp kúsh salýdy josparlap otyrmyz. Biz búgin syni suraqtardy kóterdik, biraq nátijeli bolý úshin olarǵa naqty jaýaptar ázirleý kerek. Iaǵni, bul memlekettik saiasatqa ótetin jaýaptar bolý kerek».
