Joǵarǵy sot áiel zorlady dep aiyptalǵan kásipker Dýman Erqanatqa qatysty málimdeme jasady, - dep habarlaidy Dalanews.kz.
Qylmystyq ister jónindegi sot alqasy Dýman Erqanatqa qatysty qylmystyq isti qarady.Sot protsesi QPK-niń 29-babyna sáikes jabyq rejimde ótken.
Buǵan deiin birinshi satydaǵy sottyń úkimimen Dýman Erqanat zorlaý boiynsha kináli dep tanylǵan bolatyn (QK-niń 120-babynyń 1-bóligi).
Oǵan 5 jylǵa bas bostandyǵynan aiyrý jazasy taǵaiyndalǵan.Biraq apelliatsiialyq saty birinshi satydaǵy sot úkiminiń kúshin joiyp, aqtaý úkimin shyǵarǵan.
Qylmystyq is materialdaryn zerdelegen alqa Dýman Erqanattyń kinási dáleldendi dep tanydy.
Qorǵaýshy taraptyń dálelderi jinalǵan dáleldemelermen joqqa shyǵarylady.Zań talaptaryna bailanysty basqa aqparat usynylmady. Joǵaryda aitylǵandardyń negizinde kassatsiialyq alqa aqtaý úkimin buzyp, birinshi satydaǵy sottyń aiyptaý úkimin (5 jylǵa bas bostandyǵynan aiyrý jazasyn) kúshinde qaldyrdy.
Buǵan deiin áiel zorlady dep jala jabylǵan kásipker aqtalyp shyqqanyn jazǵan edik. Treiding, qarjy salasyndaǵy sarapshy Dýman Erqanatty ginekolog áiel zorlady dep jala jaýyp, túrli saittar arqyly abyroiyn tógip, 100 million teńge bopsalaǵan. Qazirgi tańda barlyq derek, aiǵaqtar eskerilip, Almatynyń qalalyq soty Dýman Erqanatty aqtap shyqqan bolatyn. Kásipkerdiń ózi oqiǵa qalai bolǵanyn áńgimelep bergen.
Dýman AQSh-ta magistratýra baǵdarlamasy boiynsha bilim alyp, úsh jyl buryn Qazaqstanǵa oralǵan. Ol aiyna 5-6 million tabys tabatyn. Dýman - treider, birja salasynda jumys isteitin maman. Sondyqtan áleýmettik jelide kóp adam Dýmanǵa habarlasyp, keńes surap turatyn. Sondai oqyrmandarynyń biri "A" esimdi qyz bolǵan.
"Men mán bermedim basynda. Kóptegen adam jekeme jazyp, habarlasatyn. 2022 jyly jeltoqsanda keshki saǵat onnan asa úide kino kórip jatqanmyn. Ol qyz jekeme jazdy, ne istep jatqanymdy surady, men kino kórip jatqanymdy aittym. Ol birge kino kórýge kelisip, úiime keldi. Kútip aldym, úige keldik, áńgimelestik, ústinde brend kiimder, shamamen 30-daǵy qyz. Basymda jaman oi bolǵan joq. Kino kórdik, tanystyq, áńgimelestik.Sol kezde qyzdyń qalaýymen birge boldyq. Artynsha ol maǵan qarny ashqanyn aityp, onlain tamaqqa tapsyrys berdik. Sosyn túngi bir shamasynda ol kisini úiine shyǵaryp saldym. Eki saǵattan keiin "meni zorlady" dep jala jaýyp,qylmystyqis qozǵala bastady. Biraq eshqandai saraptama, dálel bolmaǵandyqtan, is sol jerde jabyldy. Shamamen eki aidan asa ýaqyttan keiin is qaitadan qozǵalyp, meni túrmege qamaýǵa aldy", - deidi kásipker Baýyrjan Bógenbaiǵa bergen suhbatynda.
Bul jaitqa qatysty zańger, Májilis depýtaty Abzal Quspan da pikir bildirdi.
"Dýman esimdi azamattyń isinde men ne kórip otyrmyn? Birinshi satydaǵy sot eshqandai dálel bolmasa da bes jylǵa sottap jiberedi. Biraq tańǵalǵanym Almaty qalasyndaǵy apelliatsiialyq sot alqasyndaǵy jan-jaqty otyryp jazǵany. 22.40-ta ol áiel ózi hat jazady, ózi suranyp úiine keledi. Habarlamalardyń ishinde mynaǵan nazar aýdarý kerek: "ne istep otyrsyń?" deidi, "kino qarap otyrmyn" deidi, "men de baryp birge qaraiyqshy" deidi. Ózi usynyp, ózi keledi, sosyn jańaǵy jaǵdai bolady. Bul jerde moraldyq jaǵdaidy qozǵamai-aq qoiaiyn, másele qylmys boldy ma, joq pa degende.
Eger áiel adamnyń erkinen tys jynystyq qatynasqa túsken bolsa,onda, sózsiz, ol - zorlaý. Kelisim bolsa eshqandai qylmys bolmaidy. Sot aktilerinde ózara kelisimmen bolǵany aidai anyq kórinip tur. Sondyqtan qaýlyny kórgen kezde qansha jyldan beri qalyptasqan sot tájiribesi shynymen durys jolǵan túseiin degen eken dep oiǵa qaldym", - deidi Abzal Quspan.
Kásipkerge jala japqan áiel suraǵan soma az emes - ol Dýman Erqanattan 100 million teńge talap etken. Eger osy somany berse bostandyqta qalatynyn, "aǵalary" arqyly úkimettik uiymdarǵa áser ete alatynyn aitqan.
"Týystarymnan, jaqyndarymnan jinap bere salsam da bolar edi. Advokattar da bere sal dedi. Biraq olai jasaǵym kelmedi. Otbasymnyń aldynda jasamaǵan nársem úshin qylmysker bolǵym kelmedi. Sol sebepti kúresýge sheshim qabyldadym", - deidi Dýman.
Sot protsesi tórt aiǵa jalǵasqan. Alaida sot barysynda Dýmannyń kinásiz ekeni dáleldene bastaǵan tusta "jábirlenýshi" áiel aiǵailap, shý shyǵaryp júrgen. Arasynda áiel adam aýyryp, sotqa kelmei júrgen tusynda Dýmannyń túrmede otyrýyna týra kelgen.
Alaida Almaty qalalyq soty barlyq dálel keltirilgennen keiin kásipkerdiń qylmys jasamaǵanyn aityp, Dýmandy aqtap shyqqan edi.
