جوعارعى سوت ەيەل زورلادى دەپ ايىپتالعان كەسٸپكەر دۋمان ەرقاناتقا قاتىستى مەلٸمدەمە جاسادى, - دەپ حابارلايدى Dalanews.kz.
قىلمىستىق ٸستەر جٶنٸندەگٸ سوت القاسى دۋمان ەرقاناتقا قاتىستى قىلمىستىق ٸستٸ قارادى.سوت پروتسەسٸ قپك-نٸڭ 29-بابىنا سەيكەس جابىق رەجيمدە ٶتكەن.
بۇعان دەيٸن بٸرٸنشٸ ساتىداعى سوتتىڭ ٷكٸمٸمەن دۋمان ەرقانات زورلاۋ بويىنشا كٸنەلٸ دەپ تانىلعان بولاتىن (قك-نٸڭ 120-بابىنىڭ 1-بٶلٸگٸ).
وعان 5 جىلعا باس بوستاندىعىنان ايىرۋ جازاسى تاعايىندالعان.بٸراق اپەللياتسييالىق ساتى بٸرٸنشٸ ساتىداعى سوت ٷكٸمٸنٸڭ كٷشٸن جويىپ, اقتاۋ ٷكٸمٸن شىعارعان.
قىلمىستىق ٸس ماتەريالدارىن زەردەلەگەن القا دۋمان ەرقاناتتىڭ كٸنەسٸ دەلەلدەندٸ دەپ تانىدى.
قورعاۋشى تاراپتىڭ دەلەلدەرٸ جينالعان دەلەلدەمەلەرمەن جوققا شىعارىلادى.زاڭ تالاپتارىنا بايلانىستى باسقا اقپارات ۇسىنىلمادى. جوعارىدا ايتىلعانداردىڭ نەگٸزٸندە كاسساتسييالىق القا اقتاۋ ٷكٸمٸن بۇزىپ, بٸرٸنشٸ ساتىداعى سوتتىڭ ايىپتاۋ ٷكٸمٸن (5 جىلعا باس بوستاندىعىنان ايىرۋ جازاسىن) كٷشٸندە قالدىردى.
بۇعان دەيٸن ەيەل زورلادى دەپ جالا جابىلعان كەسٸپكەر اقتالىپ شىققانىن جازعان ەدٸك. ترەيدينگ, قارجى سالاسىنداعى ساراپشى دۋمان ەرقاناتتى گينەكولوگ ەيەل زورلادى دەپ جالا جاۋىپ, تٷرلٸ سايتتار ارقىلى ابىرويىن تٶگٸپ, 100 ميلليون تەڭگە بوپسالاعان. قازٸرگٸ تاڭدا بارلىق دەرەك, ايعاقتار ەسكەرٸلٸپ, الماتىنىڭ قالالىق سوتى دۋمان ەرقاناتتى اقتاپ شىققان بولاتىن. كەسٸپكەردٸڭ ٶزٸ وقيعا قالاي بولعانىن ەڭگٸمەلەپ بەرگەن.
دۋمان اقش-تا ماگيستراتۋرا باعدارلاماسى بويىنشا بٸلٸم الىپ, ٷش جىل بۇرىن قازاقستانعا ورالعان. ول ايىنا 5-6 ميلليون تابىس تاباتىن. دۋمان - ترەيدەر, بيرجا سالاسىندا جۇمىس ٸستەيتٸن مامان. سوندىقتان ەلەۋمەتتٸك جەلٸدە كٶپ ادام دۋمانعا حابارلاسىپ, كەڭەس سۇراپ تۇراتىن. سونداي وقىرماندارىنىڭ بٸرٸ "ا" ەسٸمدٸ قىز بولعان.
"مەن مەن بەرمەدٸم باسىندا. كٶپتەگەن ادام جەكەمە جازىپ, حابارلاساتىن. 2022 جىلى جەلتوقساندا كەشكٸ ساعات وننان اسا ٷيدە كينو كٶرٸپ جاتقانمىن. ول قىز جەكەمە جازدى, نە ٸستەپ جاتقانىمدى سۇرادى, مەن كينو كٶرٸپ جاتقانىمدى ايتتىم. ول بٸرگە كينو كٶرۋگە كەلٸسٸپ, ٷيٸمە كەلدٸ. كٷتٸپ الدىم, ٷيگە كەلدٸك, ەڭگٸمەلەستٸك, ٷستٸندە برەند كيٸمدەر, شامامەن 30-داعى قىز. باسىمدا جامان وي بولعان جوق. كينو كٶردٸك, تانىستىق, ەڭگٸمەلەستٸك.سول كەزدە قىزدىڭ قالاۋىمەن بٸرگە بولدىق. ارتىنشا ول ماعان قارنى اشقانىن ايتىپ, ونلاين تاماققا تاپسىرىس بەردٸك. سوسىن تٷنگٸ بٸر شاماسىندا ول كٸسٸنٸ ٷيٸنە شىعارىپ سالدىم. ەكٸ ساعاتتان كەيٸن "مەنٸ زورلادى" دەپ جالا جاۋىپ,قىلمىستىقٸس قوزعالا باستادى. بٸراق ەشقانداي ساراپتاما, دەلەل بولماعاندىقتان, ٸس سول جەردە جابىلدى. شامامەن ەكٸ ايدان اسا ۋاقىتتان كەيٸن ٸس قايتادان قوزعالىپ, مەنٸ تٷرمەگە قاماۋعا الدى", - دەيدٸ كەسٸپكەر باۋىرجان بٶگەنبايعا بەرگەن سۇحباتىندا.
بۇل جايتقا قاتىستى زاڭگەر, مەجٸلٸس دەپۋتاتى ابزال قۇسپان دا پٸكٸر بٸلدٸردٸ.
"دۋمان ەسٸمدٸ ازاماتتىڭ ٸسٸندە مەن نە كٶرٸپ وتىرمىن? بٸرٸنشٸ ساتىداعى سوت ەشقانداي دەلەل بولماسا دا بەس جىلعا سوتتاپ جٸبەرەدٸ. بٸراق تاڭعالعانىم الماتى قالاسىنداعى اپەللياتسييالىق سوت القاسىنداعى جان-جاقتى وتىرىپ جازعانى. 22.40-تا ول ەيەل ٶزٸ حات جازادى, ٶزٸ سۇرانىپ ٷيٸنە كەلەدٸ. حابارلامالاردىڭ ٸشٸندە مىناعان نازار اۋدارۋ كەرەك: "نە ٸستەپ وتىرسىڭ?" دەيدٸ, "كينو قاراپ وتىرمىن" دەيدٸ, "مەن دە بارىپ بٸرگە قارايىقشى" دەيدٸ. ٶزٸ ۇسىنىپ, ٶزٸ كەلەدٸ, سوسىن جاڭاعى جاعداي بولادى. بۇل جەردە مورالدىق جاعدايدى قوزعاماي-اق قويايىن, مەسەلە قىلمىس بولدى ما, جوق پا دەگەندە.
ەگەر ەيەل ادامنىڭ ەركٸنەن تىس جىنىستىق قاتىناسقا تٷسكەن بولسا,وندا, سٶزسٸز, ول - زورلاۋ. كەلٸسٸم بولسا ەشقانداي قىلمىس بولمايدى. سوت اكتٸلەرٸندە ٶزارا كەلٸسٸممەن بولعانى ايداي انىق كٶرٸنٸپ تۇر. سوندىقتان قاۋلىنى كٶرگەن كەزدە قانشا جىلدان بەرٸ قالىپتاسقان سوت تەجٸريبەسٸ شىنىمەن دۇرىس جولعان تٷسەيٸن دەگەن ەكەن دەپ ويعا قالدىم", - دەيدٸ ابزال قۇسپان.
كەسٸپكەرگە جالا جاپقان ەيەل سۇراعان سوما از ەمەس - ول دۋمان ەرقاناتتان 100 ميلليون تەڭگە تالاپ ەتكەن. ەگەر وسى سومانى بەرسە بوستاندىقتا قالاتىنىن, "اعالارى" ارقىلى ٷكٸمەتتٸك ۇيىمدارعا ەسەر ەتە الاتىنىن ايتقان.
"تۋىستارىمنان, جاقىندارىمنان جيناپ بەرە سالسام دا بولار ەدٸ. ادۆوكاتتار دا بەرە سال دەدٸ. بٸراق ولاي جاساعىم كەلمەدٸ. وتباسىمنىڭ الدىندا جاساماعان نەرسەم ٷشٸن قىلمىسكەر بولعىم كەلمەدٸ. سول سەبەپتٸ كٷرەسۋگە شەشٸم قابىلدادىم", - دەيدٸ دۋمان.
سوت پروتسەسٸ تٶرت ايعا جالعاسقان. الايدا سوت بارىسىندا دۋماننىڭ كٸنەسٸز ەكەنٸ دەلەلدەنە باستاعان تۇستا "جەبٸرلەنۋشٸ" ەيەل ايعايلاپ, شۋ شىعارىپ جٷرگەن. اراسىندا ەيەل ادام اۋىرىپ, سوتقا كەلمەي جٷرگەن تۇسىندا دۋماننىڭ تٷرمەدە وتىرۋىنا تۋرا كەلگەن.
الايدا الماتى قالالىق سوتى بارلىق دەلەل كەلتٸرٸلگەننەن كەيٸن كەسٸپكەردٸڭ قىلمىس جاساماعانىن ايتىپ, دۋماندى اقتاپ شىققان ەدٸ.
