Amantai-qajy degen atpen tanymal qazaqstandyq antiiadrolyq qozǵalystyń belsendisi Amantai Asylbek taǵy da áleýmettik jelide jarq etti. Biraq prezident sailaýynda óz kandidattyǵyn birneshe ret usynǵan qajy bul joly qylmystyq istiń figýranty atandy, dep habarlaidy Dalanews.kz.
Jelide taraǵan videoda Amantai-qajy bir ǵimaratqa kirip bara jatady. Sol kezde artynan sóilei, ózimen birge ilese júrgen áieldi ol keýdesinen iterip jiberedi. Áiel ǵimarat esigi aldyndaǵy tabaldyryq baspalaǵynan artqa shalqasynan qulaidy. Onyń jambas súiegi synǵany belgili.
Almaty qalalyq politsiia departamentiniń (PD) baspasóz qyzmeti Almaly aýdanynyń politsiia basqarmasy atalǵan fakti boiynsha qylmystyq is qozǵaǵanyn naqtylady, dep jazady Zakon.kz.
Qazirgi ýaqytta bolǵan oqiǵanyń barlyq mán-jailaryn anyqtaýǵa baǵyttalǵan tergeý jáne protsestik sharalar kesheni júrgizilýde.
"Qajetti sot-meditsinalyq saraptamalar taǵaiyndaldy. Tergeý barysy Almaty politsiiasy basshylyǵynyń baqylaýynda", - deidi Almaty qalalyq politsiia departamentiniń baspasóz qyzmeti.
Buǵan deiin Almaty oblysynda jol ústinde reseilik blogerdi toqtatqan politseidiń basy daýǵa qalǵanyn jazǵan edik.
