Jýrnalıs Aıdos Sadyqovqa qastandyq jasady degen Altaı Jaqanbaevqa qatysty ınsaıderlik aqparat paıda boldy, - dep habarlaıdy Dalanews.kz.
"Respýblıka" medıasynyń ınsaıderlik aqparatyna sáıkes, jýrnalıske qastandyq jasady degen Jaqanbaevqa Ulttyq qaýipsizdik komıtetiniń tergeý ızolátorynda VIP jaǵdaı jasalǵan.
"Oǵan bar jaǵdaı jasalǵan. Onyń ústine oǵan qatysty tergeý amaldary júrip jatqan joq, júrgizilmegen de... Al jýrnalısi óltirdi degen eń basty kúdikti Meıram Qarataev bastapqyda Altaı Jaqanbaevpen birge Túrkıaǵa ushyp ketken. Qazir ol basqa adamnyń atyn jamylyp, sol jerde tyǵylyp júrgen bolýy múmkin. Biraq bizdiń derekkózderdiń málimetinshe, ol ólip qalǵan bolýy da múmkin", - deıdi "Respýblıka" ınsaıderleri.
Qarataevty óltirgen adamǵa qatysty eki túrli boljam bar eken.
"Birinshi boljam boıynsha ol - Aıdos Sadyqovty óltirý boıynsha arnaıy operasıany uıymdastyrǵandardyń adamy, al ekinshiden, Qarataevty óltirgen Jaqanbaevtyń ózi bolýy múmkin. Bizdiń boljam boıynsha, birinshi nusqa ras bolýy múmkin. Altaı Jaqanbaevtyń da ólip ketý qaýpi bar edi, alaıda ol elge kelip, ózi berilip, aman qalǵan", - deıdi "Respýblıkadaǵylar".
Eske salaıyq,18 maýsymda Kıevte "BASE" basylymynyń basshysy Aıdos Sadyqovqa qastandyq jasalǵan bolatyn.
2 shildede Kıevte qazaqstandyq jasalǵan jýrnalıs Sadyqov qaıtys bolǵan edi.
Aıdos Sadyqov Ýkraınada resmı bosqyn mártebesin alǵan. Al 2023 jyldyń qazan aıynda Sadyqovqa Qazaqstanda "áleýmettik, ulttyq, rýlyq, tektik-toptyq nemese dinı alaýyzdyqty qozdyrǵany" úshin izdeý jarıalanǵan bolatyn.
