Kezdesý barysynda joǵary oqý ornynyń basshylyǵy A. Aiymbetovti ýniversitettiń qurylymy, sondai-aq, robottyq tehnika, radiohabar, aviatsiia jáne basqa da salalardaǵy jetistikter jáne jańa zerttemelermen tanystyrdy.
«Halyqaralyq aqparattyq tehnologiialar ýniversitetiniń áleýeti joǵary. Aldaǵy ýaqytta QR Ulttyq ǵarysh agenttiginiń osy ýniversitetpen aradaǵy yntymaqtastyǵy kompiýterlik tehnologiia baǵytynda jalǵasady dep oilaimyn. Negizi IT salasyndaǵy kóptegen zerttemeler jas mamandardyń qolymen jasalǵan. Mysaly Mark Tsýkerberg Facebook jelisin ekinshi kýrsta oqyp júrip ázirlegen», – dedi ǵaryshker.
Sondai-aq, ol stýdentterdiń qolymen jasalǵan zerttemelerdiń ózine unaǵandyǵyn atap ótti. Ásirese, Aidyn Aqanulyn robottyq tehnikalar men ushqyshsyz ushatyn apparattar qyzyqtyrdy.
Aita ketelik, Halyqaralyq aqparattyq tehnologiialar ýniversitetiniń stýdentteri Aidyn Aiymbetovtiń ǵaryshtyq ushý sapary barysynda onymen ujymdyq radiostansa arqyly bailanys ornatyp, suraqtar qoiǵan.
Kezdesý barysynda Aidyn Aqanuly jýrnalisterdiń suraqtaryna jaýap berdi. Qyzyqty suraqtardyń biri basqa ǵalamsharlyqtar týraly boldy.
«Meniń jeke pikirim: biz bul ǵalamda jalǵyz emespiz. Men báribir basqa ǵalamsharlyqtardyń bar ekendigine jáne bir ýaqyttarda olarmen kezdesetindigimizge senemin», – dedi ol.
Al «Ǵaryshta anyqtalmaǵan, ushyp júretin nysandy kórdińiz be?» degen suraqqa ol qaljyńdap: «Ǵaryshkerler ushý aldynda qupiialardy jariialamaý týraly qujatqa qol qoiady», – dep jaýap berdi.
Aita ketelik, kezdesý barysynda joǵary oqý ornynyń basshylyǵy A. Aiymbetovti ýniversitettiń qurylymy, sondai-aq, robottyq tehnika, radiohabar, aviatsiia jáne basqa da salalardaǵy jetistikter jáne jańa zerttemelermen tanystyrdy.
Ásirese, Aidyn Aqanulyn robottyq tehnikalar men ushqyshsyz ushatyn apparattar qyzyqtyrdy.
Halyqaralyq IT ýniversitetiniń baspasóz qyzmeti
