الماتىدا قازاقستاننىڭ ءۇشىنشى عارىشكەرى، حالىق قاھارمانى ايدىن ايىمبەتوۆ حالىقارالىق اقپاراتتىق تەحنولوگيالار ۋنيۆەرسيتەتىنىڭ پروفەسسور-وقىتۋشىلار قۇرامىمەن كەزدەستى.
كەزدەسۋ بارىسىندا جوعارى وقۋ ورنىنىڭ باسشىلىعى ا. ايىمبەتوۆتى ۋنيۆەرسيتەتتىڭ قۇرىلىمى، سونداي-اق، روبوتتىق تەحنيكا، راديوحابار، اۆياسيا جانە باسقا دا سالالارداعى جەتىستىكتەر جانە جاڭا زەرتتەمەلەرمەن تانىستىردى.
«حالىقارالىق اقپاراتتىق تەحنولوگيالار ۋنيۆەرسيتەتىنىڭ الەۋەتى جوعارى. الداعى ۋاقىتتا ق ر ۇلتتىق عارىش اگەنتتىگىنىڭ وسى ۋنيۆەرسيتەتپەن اراداعى ىنتىماقتاستىعى كومپيۋتەرلىك تەحنولوگيا باعىتىندا جالعاسادى دەپ ويلايمىن. نەگىزى IT سالاسىنداعى كوپتەگەن زەرتتەمەلەر جاس مامانداردىڭ قولىمەن جاسالعان. مىسالى مارك سۋكەربەرگ Facebook جەلىسىن ەكىنشى كۋرستا وقىپ ءجۇرىپ ازىرلەگەن»، – دەدى عارىشكەر.
سونداي-اق، ول ستۋدەنتتەردىڭ قولىمەن جاسالعان زەرتتەمەلەردىڭ وزىنە ۇناعاندىعىن اتاپ ءوتتى. اسىرەسە، ايدىن اقانۇلىن روبوتتىق تەحنيكالار مەن ۇشقىشسىز ۇشاتىن اپپاراتتار قىزىقتىردى.
ايتا كەتەلىك، حالىقارالىق اقپاراتتىق تەحنولوگيالار ۋنيۆەرسيتەتىنىڭ ستۋدەنتتەرى ايدىن ايىمبەتوۆتىڭ عارىشتىق ۇشۋ ساپارى بارىسىندا ونىمەن ۇجىمدىق راديوستانسا ارقىلى بايلانىس ورناتىپ، سۇراقتار قويعان.
كەزدەسۋ بارىسىندا ايدىن اقان ۇلى جۋرناليستەردىڭ سۇراقتارىنا جاۋاپ بەردى. قىزىقتى سۇراقتاردىڭ ءبىرى باسقا عالامشارلىقتار تۋرالى بولدى.
«مەنىڭ جەكە پىكىرىم: ءبىز بۇل عالامدا جالعىز ەمەسپىز. مەن ءبارىبىر باسقا عالامشارلىقتاردىڭ بار ەكەندىگىنە جانە ءبىر ۋاقىتتاردا ولارمەن كەزدەسەتىندىگىمىزگە سەنەمىن»، – دەدى ول.
ال «عارىشتا انىقتالماعان، ۇشىپ جۇرەتىن نىساندى كوردىڭىز بە؟» دەگەن سۇراققا ول قالجىڭداپ: «عارىشكەرلەر ۇشۋ الدىندا قۇپيالاردى جاريالاماۋ تۋرالى قۇجاتقا قول قويادى»، – دەپ جاۋاپ بەردى.
ايتا كەتەلىك، كەزدەسۋ بارىسىندا جوعارى وقۋ ورنىنىڭ باسشىلىعى ا. ايىمبەتوۆتى ۋنيۆەرسيتەتتىڭ قۇرىلىمى، سونداي-اق، روبوتتىق تەحنيكا، راديوحابار، اۆياسيا جانە باسقا دا سالالارداعى جەتىستىكتەر جانە جاڭا زەرتتەمەلەرمەن تانىستىردى.
اسىرەسە، ايدىن اقانۇلىن روبوتتىق تەحنيكالار مەن ۇشقىشسىز ۇشاتىن اپپاراتتار قىزىقتىردى.
حالىقارالىق ءىت ۋنيۆەرسيتەتىنىڭ باسپا ءسوز قىزمەتى
