Kezdesý barysynda taraptar Qazaqstan Úkimeti men UNICEF-tiń 2021-2025 jyldarǵa arnalǵan Eldik Baǵdarlamasy sheńberindegi basym baǵyttardy iske asyrý máselelerin talqylady.
Aıda Balaeva Mınıstrliktiń jetekshilik etetin baǵyttary boıynsha júrgizilip jatqan aýqymdy jumystary týraly, atap aıtqanda jalǵan aqparatpen jumys isteý jáne COVID-19 dınamıkasy men aýqymy týraly halyqty únemi habardar etý, zańnamalyq bazany jetildirý, turaqty damý maqsattaryn iske asyrý jáne Memleket basshysynyń eriktilerdi jumyldyrýdyń halyqaralyq jylyn qurý jónindegi bastamasyn ilgeriletý týraly aıtyp berdi.
Óz kezeginde Artýr van Dızen balalar tárbıesi, ata-ana daǵdylaryn nyǵaıtý, balalardy zorlyq-zombylyqsyz tárbıeleý, genderlik teńdik jáne balalardy qolaıly ortaǵa tárbıeleý tásilderi, jastar arasynda áleýmettik-baǵdarlanǵan volonterlikti damytý sıaqty baǵyttar boıynsha odan ári yntymaqtastyq josparlary týraly aıtyp berdi.
Kezdesý sońynda taraptar balalar men jastar máseleleri boıynsha birlesken jobalarda ózara yntymaqtastyqty odan ári jalǵastyrýǵa nıet bildirdi.
