Mádeniet jáne aqparat ministri Aida Balaeva áleýmettik jeliler men keibir resmi emes arnalarda taraǵan «birqatar sheneýnikter ustaldy» degen málimetti teriske shyǵardy, dep habarlaidy Dalanews.kz.
Aida Balaevanyń aitýynsha, resmi BAQ pen anonimdi telegram-arnalar memlekettik qyzmetshilerdiń ustalǵany jóninde eshqandai dáleli joq aqparat taratqan.
"Aqparattyń shynaiylyǵyn tekserý mindeti, kinásizdik prezýmptsiiasy qaǵidasy jáne jýrnalistik etika bar ekenin esten shyǵarmaý kerek. «Haip» qýyp, rastalmaǵan derekterge súiengende, jýrnalister mundai aqparattyń azamattarǵa jáne olardyń jaqyndaryna ziian keltiretinin, ar-namysy men qadir-qasietine nuqsan tigizetinin, shyn máninde jala bolyp sanalatynyn umytpaýy tiis", – dedi ministr.
Ministr kásibi BAQ pen jýrnalisterdi aqparatty tekserip berýge shaqyrdy. Sonymen qatar jalǵan aqparat taratqan jaǵdaida ákimshilik jáne qylmystyq jaýapkershilik qarastyrylǵanyn eske saldy.
Buǵan deiin Qaznette syrtqy ister ministri Murat Nurtileý men kásipker Gadji Gadjievtiń ustalǵany týraly qaýeset taraǵan edi.
