QR Premer-ministriniń orynbasary - Mádeniet jáne aqparat ministri Aida Balaeva Halyqaralyq volonterler kúnine orai elimizdegi eriktilerdi merekemen quttyqtap, olardyń qoǵamdyq ómirdegi rólin erekshe atap ótti, dep habarlaidy Dalanews.kz
Ministrdiń aitýynsha, volonterlik qozǵalys búginde Qazaqstandaǵy mádeniet, bilim, ekologiia, meditsina, áleýmettik qoldaý jáne qaiyrymdylyq salalarynyń damýyna aitarlyqtai úles qosyp keledi.
«Volonterlik – qoǵamdyq ómirdiń ajyramas bóligine ainaldy. Memleket sizderdiń belsendilikterińizdi, azamattyq ustanymdaryńyz ben jasampaz isterińizdi joǵary baǵalaidy», - dedi Aida Balaeva.
Ol Qazaqstanda volonterlikti qoldaýdyń birtutas memlekettik júiesi qalyptasqanyn, bul baǵyt árqashan memlekettik saiasat nazarynda ekenin atap ótti.
Búgin BUU-nyń Niý-Iork qalasyndaǵy Shtab-páterinde Ornyqty damý jolyndaǵy Halyqaralyq volonterler jylynyń resmi ashylýy ótedi. Bul bastama Qazaqstan Prezidenti Qasym-Jomart Toqaevtyń usynysymen júzege asqan.
Ministrdiń aitýynsha, halyqaralyq jyl «Birge – turaqty bolashaq úshin!» uranymen atalyp ótip, volonterlerdiń ornyqty damý maqsattaryn iske asyrýdaǵy rólin kúsheitedi.
«Ataýly jyl milliondaǵan adamdy ádil, beibit jáne turaqty álem qurýǵa atsalysýǵa shabyttandyrady», - dedi Balaeva.
Sondai-aq ol barlyq eriktilerge atqarap júrgen igi isteri, meiirimdiligi jáne qoǵam igiligi jolyndaǵy eńbegi úshin alǵys bildirdi.
