Mektep bitirgenderine 10 jyl tolýyna baılanysty Aıagóz qalasynyń túlekteri erekshe ıgi isti qolǵa aldy. Olar qaladaǵy múgedek bala asyrap otyrǵan jalǵyzbasty anaǵa qasıetti juma kúni úsh bólmeli úıdiń kiltin tabystady.
- Qazaqtar – jetim-jesirin jylatpaǵan halyq. Biz júregimizdiń jylýyn qarapaıym halyqtyń muqtaj otbasyna syılaýǵa daıynbyz. Osy ıgi iske at salysqan barsha azamattarǵa Allanyń razylyǵyn tileımiz, - deıdi aıagózdik jastar.
Olardyń josparynda taǵy bir jalǵyz basty anaǵa páter syılasaq degen nıetteri bar eken. Qazirgi tańda baspana alýǵa biraz qarajattary jetkiliksiz bolyp turǵan kórinedi. Aıagóz halqynan, atqa minerlerinen ıgi iske óz úlesterin qosýǵa shaqyrady.
- Jumyla kótergen júk jeńil. Siz bolyp, biz bolyp taǵy bir anany Alla razylyǵy úshin qýanyshqa bólesek, - deıdi jastar.
https://youtu.be/wOLHr2rzVL8
