Aıagóz aýdandyq aýdanaralyq aýrýhanasynda Ulystyń uly kúni Naýryz meıramyna oraı nárestelerge ulttyq naqyshtaǵy kıimder syıǵa berildi. Sondaı-aq, jas analarǵa qunary joǵary Naýryz kóje taratyldy. Bul erekshe sharaǵa aýrýhana ákimshiligi sebepker bolyp otyr, – dep habarlaıdy Dalanews.kz SHQO ákiminiń baspasóz qyzmetine silteme jasap.

Ulttyq kıimder dúnıege kelgen 5 sábıdiń aýrýhanadan shyǵý rásimine oraı tabystaldy.

– Ekinshi balamdy osy Aıagóz aýdandyq ortalyq aýrýhanasynda dúıege ákeldim. Búgin perzenthanadan shyǵý kezinde dárigerlerdiń ózderi ulttyq kıim kıip, balalarymyzǵa da qazaqtyń ulttyq naqyshta bezendirilgen kıimderin syıǵa tartty. Erekshe áser alyp, óte qýanyp qaldyq, – deıdi  Úrjar aýdanynan kelgen ana Sarsenǵalı Saıajan.

Aıta ketý kerek, aýdanda ulttyq saltymyz men dástúrimizdi dáripteýge arnalǵan sharalar aldaǵy ýaqytta da jalǵasyn tabatyn bolady.

Sábılerge arnalǵan ulttyq kıimderdi syıǵa tartý kezinde barlyq sanıtarlyq talaptar saqtaldy.