Qanat Ádilbaev 1972 jyly 14 jeltoqsanda dúniege kelgen, Aiagóz qalasynyń týmasy. «Injener-ekonomist» mamandyǵy boiynsha joǵary bilimi bar, sonymen qatar ekonomika ǵylymdarynyń kandidaty ǵylymi dárejesine ie bolǵan.
– Qanat Serikqanuly eńbek jolyn 1996 jyly Semei qalasy boiynsha salyq inspektsiiasynyń zańdy tulǵalarmen jumys jónindegi salyq bóliminde birinshi sanatty maman bolyp bastaǵan. Uzaq jyldar boiy Semei qalalyq Salyq komitetiniń tóraǵasy bolyp, Qarjy ministrligi júiesinde qyzmet etti. Qanat Ádilbaevtyń iskerlik jáne uiymdastyrýshylyq qabileti joǵary. Ol ózine júktelgen máselelerdi saýatty sheshe alatyn qabiletke ie, – dedi Abai oblysynyń ákimi Nurlan Uranhaev.
Sonymen qatar, Aiagózdiń jańa ákimi 2019-2021 jyldar aralyǵynda Semei qalasy ákiminiń orynbasary qyzmetin atqaryp, osy aralyqta qalalyq ákimdiktiń biýdjetti qalyptastyrý jáne atqarý, nesie jáne keden saiasaty, bank mekemeleri, jer qatynastary, aýyl sharýashylyǵy, veterinariia, ónerkásip, kásipkerlik, bailanys máselelerin qadaǵalaǵan. Budan basqa «AKM Stroiservis» JShS direktory syn jaýapty qyzmetterdi atqarǵan.
Aita ketýimiz kerek, Qanat Ádilbaev jańa qyzmetke taǵaiyndalǵanǵa deiin Abai aýdany Máslihatynyń ekonomikalyq jáne qarjylyq damý, kásipkerlik qyzmet salasyndaǵy turaqty komissiiasynyń tóraǵasy qyzmetin atqardy.
