Almaty oblysyndaǵy Uiǵyr aýdandyq ortalyq aýrýhananyń býhgalteri Memlekettik satyp alýǵa qatysýshylardyń 90 million teńge kólemindegi qarjysyn zańsyz iemdengeni úshin 7 jylǵa bas bostandyǵynan aiyryldy, - dep habarlaidy Dalanews.kz.
Almaty oblysynyń prokýratýrasy málimetinshe, bul qarajatty kásipkerler aýrýhananyń bank shotyna sharttardyń oryndalýyna kepildik retinde aýdarǵan.
"Al D. aýdandyq aýrýhananyń esepshisi bola otyryp, bul qarajatty óz shotyna aýdaryp alǵan. Taldaý barysynda Almaty oblysynyń prokýratýrasy taǵy 50 million teńgege zańbuzýshylyqtardy anyqtady, olar 25 kásipkerge qaitarylýy qajet", - dep jazylǵan vedomstvo habarlamasynda.
Prokýratýranyń qadaǵalaý aktisimen qarajattyń bir bóligi ǵana kásipkerlerge qaitaryldy.
