Burynǵy «Semei Sý» kásiporny bazasynda, investitsiia kólemi 9,1 mlrd teńgeni quraityn ” QAZAQ ASTYQ GROUP ” JShS kúnbaǵys, raps, soia siiaqty ónimderdi óńdeý boiynsha avtomattandyrylǵan keshen óndirisin iske qosyldy. 220 jumys orny quryldy. Óńdeý qýattylyǵy – kúnbaǵys daqyldary táýligine 1200 tonna nemese raps daqyldary táýligine 800 tonna.
Jylyna óndiriletin ónim kólemi: rafinattandyrylmaǵan ósimdik maiy – 140 myń tonna, shrot – 120 myń tonna, fosfat kontsentraty – 1 250 tonna. Aǵymdaǵy jyldyń 1 jeltoqsanyndaǵy jaǵdai boiynsha 15 740 tonna ónim óndirildi. Ózbekstan jáne Qyrǵyz Respýblikasyna 10 459 tonna ónim eksportqa shyǵaryldy, bolashaqta jergilikti naryqqa shyǵarý josparlanýda, – dep habarlady Baqytjan Baiahmetov.
Uzaq ýaqyt toqtap turýdan keiin ań-teri kombinaty iske qosyldy. Onyń shikizat óńdeý qýattylyǵy jylyna – 6 000 tonna iri qara mal terisi (350 myń tonna teri).
Búgingi kúni naryq zerttelip, suranysqa ie ónim túrlerin anyqtaý boiynsha jumystar júrgizilýine bailanysty óndiristiń qýattylyq júktemesi 50,0%. Óndiris iske qosylǵannan bastap 270 myń sharshy metrden astam teri ónimi óndirildi. Sonymen qatar «Semei qus» JShS qyzmeti jandandyryldy. Aǵymdaǵy jyldyń sońyna deiin 8,0 mln danada jumyrtqa óndirý josparlanýda. 2022 jyly bul kórsetkishti 22 mln danaǵa deiin jetkizý josparlanýda.
Aita ketelik buǵan deiin arnaiy jiyn ótkizip, jyl basynan bergi jumysty qorytyndylaǵan oblys basshysy Danial Ahmetov
óńirge tartylǵan investitsiianyń jalpy kólemi 600 mlrd. teńgeden asqanyn habarlaǵan.
"Qai jaǵynan alyp qarasaq ta, biylǵy 10 ai aimaq úshin áleýmettik-ekonomikalyq damýdyń barlyq kórsetkishi boiynsha tabysty boldy", – degen edi aimaq basshysy.
