Ótken jyly «Aýyl – el besigi» jobasy aiasynda Glýbokoe, Kókpekti, Kúrshim jáne Úrjar siiaqty 4 tirek aýylda jalpy somasy 3,5 mlrd. teńgege jýyq 8 joba iske asyryldy. Atalmysh jobalar sheńberinde eldi mekenderdegi kóshelerge ortasha jóndeý júrgizilip, úsh dene shynyqtyrý – saýyqtyrý kesheni (Kókpekti, Kúrshim, Úrjar) men bir Mádeniet úiiniń (Glýbokoe kenti) irgetasy qalandy.
2020 jyly 20 eldi mekende quny 7,2 mlrd. teńgelik 54 jobany iske asyrý kózdelip otyr. Oblystyń 116 tirek aýyly arnaiy jobaǵa enip, memlekettik qoldaýǵa ie bolady.
Budan bólek, Kúrshim, Katonqaraǵai, Zaisan, Tarbaǵatai jáne Úrjar siiaqty shekaralyq aýdandardy 2020-2024 jyldarǵa arnalǵan damytý jospary bekitildi.
Bes jyl ishinde bul maqsatqa túrli kózderden 207 mlrd. teńge jumsaý kózdelip otyr.
Investitsiialar kásipkerlik pen týrizmdi, agroónerkásiptik keshendi, turǵynúi qurylysy men injenerlik-kommýnikatsiialyq infraqurylymdy, kólik infraqurylymyn, áleýmettik salany damytýǵa jumsalmaq.
Jobalardy iske asyrý nátijesinde jańadan jumys oryndary ashylady. Atalǵan aýdandardaǵy aýyl turǵyndarynyń ortalyqtandyrylǵan aýyzsýǵa degen qoljetimdiligi 94 paiyzǵa kóterilip, jaqsy jáne qanaǵattanarlyq deńgeidegi joldar kórsetkishi 86 paiyzǵa jetedi.
