وتكەن جىلى «اۋىل – ەل بەسىگى» جوباسى اياسىندا گلۋبوكوە، كوكپەكتى، كۇرشىم جانە ءۇرجار سياقتى 4 تىرەك اۋىلدا جالپى سوماسى 3،5 ملرد. تەڭگەگە جۋىق 8 جوبا ىسكە اسىرىلدى. اتالمىش جوبالار شەڭبەرىندە ەلدى مەكەندەردەگى كوشەلەرگە ورتاشا جوندەۋ جۇرگىزىلىپ، ءۇش دەنە شىنىقتىرۋ – ساۋىقتىرۋ كەشەنى (كوكپەكتى، كۇرشىم، ءۇرجار) مەن ءبىر مادەنيەت ءۇيىنىڭ (گلۋبوكوە كەنتى) ىرگەتاسى قالاندى.
2020 جىلى 20 ەلدى مەكەندە قۇنى 7،2 ملرد. تەڭگەلىك 54 جوبانى ىسكە اسىرۋ كوزدەلىپ وتىر. وبلىستىڭ 116 تىرەك اۋىلى ارنايى جوباعا ەنىپ، مەملەكەتتىك قولداۋعا يە بولادى.
بۇدان بولەك، كۇرشىم، كاتونقاراعاي، زايسان، تارباعاتاي جانە ءۇرجار سياقتى شەكارالىق اۋدانداردى 2020-2024 جىلدارعا ارنالعان دامىتۋ جوسپارى بەكىتىلدى.
بەس جىل ىشىندە بۇل ماقساتقا ءتۇرلى كوزدەردەن 207 ملرد. تەڭگە جۇمساۋ كوزدەلىپ وتىر.
ينۆەستيسيالار كاسىپكەرلىك پەن ءتۋريزمدى، اگروونەركاسىپتىك كەشەندى، ءتۇرعىنۇي قۇرىلىسى مەن ينجەنەرلىك-كوممۋنيكاسيالىق ينفراقۇرىلىمدى، كولىك ينفراقۇرىلىمىن، الەۋمەتتىك سالانى دامىتۋعا جۇمسالماق.
جوبالاردى ىسكە اسىرۋ ناتيجەسىندە جاڭادان جۇمىس ورىندارى اشىلادى. اتالعان اۋداندارداعى اۋىل تۇرعىندارىنىڭ ورتالىقتاندىرىلعان اۋىزسۋعا دەگەن قولجەتىمدىلىگى 94 پايىزعا كوتەرىلىپ، جاقسى جانە قاناعاتتانارلىق دەڭگەيدەگى جولدار كورسەتكىشى 86 پايىزعا جەتەدى.
