Belarýs alaiaqtyq jáne tonaýshylyqpen ainalysty dep kúdiktelinetin eki qazaqstandyqty Astanaǵa jóneltken.
Qazaqstannyń Bas prokýratýrasy Vladimir Ahmadiev pen Álibek Baibosynov búgin túnde Astanaǵa jetkizilgenin málimdedi. Olardy tergeý izoliatoryna ornalastyrǵan.
Ekeýi "Almaty qurylys-montaj kásiporny" kompaniiasynyń basshylyǵynda bolyp, 310,7 million teńge (shamamen 910 myń dollar) biýdjet aqshasyn jymqyrǵan dep aiyptalady.
Bas prokýratýranyń málimetine sáikes, Baibosynov 2014 jyly jeltoqsan aiynda Belarýssiiada ózge adamnyń densaýlyǵyna aýyr ziian keltirdi degen aiyppen sottalǵan. Ol qalǵan jazasyn Qazaqstan abaqtysynda óteidi deidi Bas prokýratynyń baspasóz qyzmeti.
