Jyl saiyn 22 qyrkúiekte álemniń kóptegen qalasynda Avtokóliksiz kún atap ótiledi. Bir kezderi Almaty da bul bastamaǵa qosylǵan edi. Alaida sońǵy birneshe jylda qalada mundai aktsiialar is júzinde ótkizilmei keledi. Degenmen, mundai tájiribeni qaita engizýge negiz de, múmkindik te bar, dep habarlaidy dalanews.kz.
Resmi málimetterge sáikes, 2024 jyly Almatydaǵy ziiandy shyǵaryndylardyń shamamen 60%-y avtokólik úlesine tiesili bolǵan. Bul jylyna 112,7 myń tonnadan astam lastaýshy zat degen sóz. Qazirgi jaǵdaidyń qanshalyqty ózgergeni ázirge naqty belgisiz.
Sonymen qatar qalada balama kólik túrlerine arnalǵan infraqurylym damyp keledi. Velojoldardyń uzyndyǵy biyl 87 shaqyrymnan 125,5 shaqyrymǵa deiin ulǵaitylmaq. Elektrosamokat pen velosipedti paidalanýshylar sany da artyp keledi.
Osy tusta bir suraq týyndaidy: eger qala turǵyndarynyń bir bóligi bir kúnge bolsa da avtokólikten bas tartyp, qoǵamdyq kólikke, velosipedke, samokatqa nemese jaiaý júrýge kóshse, Almaty qalai ózgerer edi? Árine, bir kúndik aktsiia megapolistiń ekologiialyq nemese kólik máselesin tolyq sheshpeidi. Biraq ol qalanyń kólikter azaiǵan jaǵdaida qalai jumys isteitinin is júzinde kórýge múmkindik beredi. Sondai-aq turǵyndardyń jeke kólikten bas tartýyna qandai jaǵdailar qajet ekenin túsinýge kómekteser edi. Ol úshin búkil qalany jabýdyń qajeti joq. Tájiribeni ortalyqtaǵy birneshe ózara bailanysqan kóshede demalys kúni ótkizýge bolady. Qoǵamdyq kóliktiń qozǵalysy saqtalyp, bosaityn keńistik jaiaý júrginshilerge, velosipedshiler men samokat paidalanýshylaryna berilse, bul Almatynyń bolashaǵyna qatysty paidaly tájiribe bolar edi, - deidi sarapshylar.
