Qabyldaýǵa kelgen azamattardyń qatarynda Tselinograd aýdandyq máslihattyń depýtattary, belsendi azamattar boldy. Sonymen qatar, quzyrly organdardyń ókilderi jiynǵa onlain rejimde qatysty.
– Elimizde aýrýhanasy joq jalǵyz aýdan – Tselinograd. Ázirge statsionarlyq emhanany ǵana qanaǵat tutyp otyrmyz. Turǵyndarǵa shamemen 250 tósek-oryndyq aýrýhana qajet. Aýdan ákimdigi oǵan arnap 7 gektar jer bóldi. Alaida aýrýhana turǵyzý jumysy osy jer bólýmen ǵana shektelip qaldy, – dedi Tselinograd aýdanynyń máslihat depýtaty Dinara Ábdirahmanova.
Sonymen qatar, halyq qalaýlysy aýrýhanadan bólek, máiithana salý, sot-meditsinalyq saraptama júrgizetin oryn ashý jumysy da kezek kúttirmeitin másele ekenin atap ótti.
– Tselinograd aýdanyna qarasty aýyldyń biri – Qaraótkel. Elordanyń irgesinde ornalasqan aýyl turǵyndary Astanadaǵy №12 emhanaǵa bekitilgen edi. Alaida bir jarym jyldan beri aýyldaǵy mektep meditsinasynyń máselesi sheshilmei keledi. Iaǵni, oqýshylar biz aityp ótken emhanaǵa bekitilgen joq. Sonyń saldarynan, 1430 balaǵa josparly ekpe egilmei jatyr, – dep dabyl qaqty depýtat.
Sonyń ishinde mektep meditsinasy da bar. Alaida Astana qalasynyń densaýlyq saqtaý basqarmasy tiisti qujatqa qol qoimaǵandyqtan, ekpe jumysy eki ortada qalyp otyr.
Al aýdandaǵy aýrýhana tapshylyǵy máselesin Aqmola oblysy ákiminiń birinshi orynbasary Malǵajdar Tátkeev bylai dep túsindirdi:
– Aýdan ákimdigi aýrýhana salýǵa arnalǵan jer ýchaskesin bóldi. Búginde tehnikalyq-ekonomikalyq negizdeme ázirlenýde. Soǵan qaramastan, aýrýhana salýǵa qajet qarajat áli qarastyrylǵan joq, – dedi oblys ákiminiń birinshi orynbasary.
Óz kezeginde, «AMANAT»-tyń Atqarýshy hatshysy partiia bul máseleni baqylaýda ustaitynyn jáne amanattyqtar aýrýhana turǵyzýǵa, turǵyndardyń ómir súrý jaǵdaiyn jaqsartýǵa múddeli ekenin atap ótti. Alaida aýdan halqyn tolǵandyrǵan másele munymen shektelgen joq.
– Búginde Tselinograd aýdanyna qarasty Talapker jáne Qaraótkel aýyldarynyń ǵana qatty turmystyq qaldyqtary shyǵarylady. Aýdannyń ózge aýldaryndaǵy turmystyq qaldyqtardy eshkim alyp ketpeidi. Aýdan aýmaǵynda qoqys tógetin poligon, qatty turmystyq qaldyqtardy jinaityn, suryptaityn oryn qajet, – dedi Dinara Ábdirahmanova.
Halyq qalaýlysynyń aitýynsha, Tselinograd aýdanyndaǵy endi bir ózekti másele – elektr jelileri. Búginde aýdan aýmaǵyndaǵy elektr jelileriniń basym kópshiligi jergilikti atqarýshy organnyń teńgeriminde tur. Alaida ákimdik atalǵan jeldilerge ózbetinshe qyzmet kórsetýge qaýqarsyz. Buǵan qosa, iesiz jeliler de bar. Qazirgi tańda onyń bárin elektr jelilerine qyzmet kórsetetin «AREK» AQ kompaniiasyna berý máselesi kóterelip jatyr. Alaida qandai da bir naqty sheshim qabyldanbai otyr. Sonyń saldarynan halyq qiyndyq kórýde.
Osy kúni jer ýchaskesi erli-zaiyptylardyń atynda. Alaida, onda qalalyq ákimdik bastap ketken qurylys jumysy júrip jatyr. Elnur Beisenbaev onlain rejimde ákimdiktegi jaýapty tulǵalarmen áńgimelesip, jýyq arada máleniń oń sheshimin tabý qajet ekenin atap ótti. Is barsyn Atqarýshy hatshy óz baqylaýyna aldy.
Sondai-aq, qabyldaý bólimine «Temeki tútininen azat Qazaqstan úshin» ulttyq koalitsiiasynyń kóshbasshysy Jámila Sadyqova kelip, elektrondy shylymnyń otandastarymyzdyń, sonyń ishinde jas urpaqtyń densaýlyǵyna qanshalyqty qaýipti ekenin atap ótti.
Koalitsiia kóshbasshysy temeki óniminiń bul túrin shekaradan kirgizýge zań júzinde tiym salý qajet ekenin jetkizdi. Elnur Beisenbaev atalǵan másele Májilis qabyrǵasynda kóterilip jatqanyn jáne depýtattar tarapynan tiisti jumys júrgiziletinin málimdedi.
– Búgin kóterilgen barlyq máseleni jeke baqylaýymda ustaimyn. Jobalaý-smetalyq qujattama daiyn bolǵan kezde respýblikalyq biýdjetten aýdandyq aýrýhananyń qurylysyna qajet qarajat bólýdi qolǵa alamyz. Balalarǵa ekpe jasaý máselesi de kóp keshikpei óz sheshimin tabady. Al turmystyq qatty qaldyqtar poligonyn ashý máselesi boiynsha Astana aglomeratsiiasyna túzetý engizýge atsalysamyz. Aýdanǵa qarasty barlyq eldi mekende qatty turmystyq qaldyqtardy jinaýǵa bolatyn rezervtik aýmaqtar qarastyrylady», – dep túiindedi Elnur Beisenbaev.
