Ulytaý oblysynda memlekettik aýdit júrgizilip, nátijesinde 4,1 mlrd teńgege qarjylyq buzýshylyqtar anyqtaldy,- dep habarlaidy Dalanews.kz.
Jalpy aýdit qorytyndysy boiynsha 4,1 mlrd teńgege qarjylyq buzýshylyqtar, 1,7 mlrd teńgege biýdjet qarajatyn tiimsiz josparlaý, 7,8 mlrd teńgege biýdjet qarajaty men aktivterdi tiimsiz paidalaný, 22,8 mlrd teńgege shyǵyndar men jiberip alǵan paida, sondai-aq 12 júielik kemshilik pen 203 rásimdik sipattaǵy buzýshylyq anyqtaldy.
Júielik kemshilikter men shyǵystardy joiý úshin QR Joǵary aýditorlyq palatasy Ulttyq ekonomika, Kólik jáne Aýyl sharýashylyǵy ministrlikterine, Ulytaý oblysynyń ákimine, Jańaarqa men Ulytaý aýdandarynyń, Jezqazǵan jáne Sátbaev qalalarynyń ákimderine, sondai-aq ózge de uiymdarǵa tiisti usynymdary men tapsyrmalaryn berdi.
«Aýdit Memleket basshysynyń tapsyrmasy boiynsha jańadan qurylǵan oblystarda problemalyq máselelerdi anyqtaý maqsatynda júrgizildi. Bul óńirlerdiń odan ári damýyna kómek kórsetý úshin qajet. Sondyqtan ákimdik pen ortalyq memlekettik organdar barlyq oryn alǵan kemshilikterdi joiý úshin tiisti sharalar qabyldaýy tiis», – dedi Álihan Smaiylov.
