"Qazaqtelekom" AQ basqarma tóraǵasy Qyzylorda oblysyna jumys saparymen bardy. Sapar barysynda negizgi ınfraqurylymdyq jobalardyń iske asyrylý nátıjeleri talqylandy. Jasandy ıntellekt (JI) negizindegi ınovasıalyq sheshimder tanystyrylyp, qyzmetkerlerdiń jumys jaǵdaıyn jaqsartýǵa arnalǵan óndiristik ınfraqurylym nysany ashyldy, dep habarlaıdy Dalanews.kz.
Infraqurylymnyń irgetasy men jobalardy tanystyrý
Jumys sapary barysynda kompanıa tóraǵasy oblys ákimi Nurlybek Nálibaevpen kezdesti. Munda taraptar sandyq ınfraqurylymdy damytý jáne aımaqtaǵy turǵyndardyń ómir sapasy men kásip jaǵdaıyna áser etip otyrǵan jobalar talqylandy.
Basty nazar memleket basshysynyń aýyldyq eldi mekenderdi sapaly ınternetpen qamtamasyz etý jónindegi tapsyrmasyn oryndaýǵa aýdaryldy. "Qazaqtelekom" Qyzylorda oblysynda 737 shaqyrymnan astam talshyqty-optıkalyq jelilerin tartqan. Qazirgi tańda kompanıanyń óńirdegi úlesi 73%-ǵa jetip, 63 myńnan astam úı sharýashylyǵyna jáne 3 myńnan astam bıznes pen memlekettik uıymdarǵa joǵary jyldamdyqty ınternet qyzmetin usyna alady. 70-ten astam aýyl arasynda joba 26 eldi-mekende iske asyrylǵan. Al 2026 jyly taǵy 18 aýyl aımaqta ınfraqurylym qurylmaq.
"Sıfrlandyrý senimdi ınfraqurylymnan bastalady. "Aýylǵa ınternet" jobasy – bizdiń basty basymdyq. Ol sandyq teńsizdikterdi azaıtýǵa baǵyttalǵan. Biz shalǵaıdaǵy mektepterdi, aýrýhanalardy jáne shaǵyn kásiporyndardy ınternetke qosyp, óńirlik ekonomıkanyń damýyna negiz jasaımyz", – dedi kompanıanyń basqarma tóraǵasy.
Inovasıalar: AI MEKTEP pen Smart City
Tehnologıadaǵy jetistikterdi tanystyrý kezinde AI MEKTEP jobasynyń múmkindikteri de kórsetildi. Bul júıe mashınalyq kórý algorıtmderi men jasandy ıntellektini qoldana otyryp, óńirdegi mektepterde qaýipsizdikti qamtamasyz etý jáne oqý prosesin baqylaý úshin engizilýde. Jasandy ıntellekt oqýshylardyń belsendiligin taldap, tártip pen sabaqqa qatysýyn qadaǵalaıdy. Sondaı-aq qaýipsizdik dachıkterimen (tútin, shý detektorlary jáne dabyl túımeleri sıaqty) biriktiriledi.
Bilim berý salasynan bólek, "Qazaqtelekom" tehnologıalary agroónerkásiptik keshende jáne logıstıkada (jasandy ıntellekt arqyly qoıma qorlaryn baqylaý) belsendi qoldanysta. Bul óńirdiń sıfrlyq transformasıasyna úles qosady.
Sonymen qatar bıyl jáne kelesi jyldyń basynda óńirde 20 myńnan astam úıdi ınternetke qosý josparlanǵan.
"Aýdan ákimine konstrýktıvti dıalog pen sıfrlyq bastamalardy qoldaǵany úshin alǵys aıtamyn. Birlesken jumys óńirdi damytýdy jedeldetip, zamanaýı tehnologıalardy árbir turǵynǵa qoljetimdi etedi dep senemin", – dedi Baǵdat Mýsın.
Adamdarǵa qamqorlyq: Jumys jaǵdaılarynyń jańa standarttary
Baǵdarlamanyń mańyzdy bóligi Qyzylorda oblystyq telekomýnıkasıalar basqarmasyna jumys sapary boldy. Onda tolyq jańartylǵan tehnıkalyq qyzmet (monterskoı) bólmesi ashyldy. Jańa bólme zamanaýı talaptarǵa saı jobalanǵan:
Aýysymda jumys isteıtinder úshin yńǵaıly demalys aımaqtar;
Zamanaýı dýsh jáne dárethanalar;
Tehnıkalyq qujattardy daıyndaýǵa arnalǵan ergonomıkalyq jumys oryndary bar.
"Biz sandyq júıelerdiń adamdarǵa – kásibı mamandarǵa táýeldi ekenin túsinemiz. Qyzmetkerlerimiz qandaı aýa raıy bolmasyn, qıyn jaǵdaılarda da azamattarymyzdy úzdiksiz baılanyspen qamtamasyz etip júr. Monterlerge jaıly jáne laıyqty jumys jaǵdaıyn jasaý – jaı jóndeý ótkizý emes, olardyń eńbegine qurmet kórsetý", – dep atap ótti basqarma tóraǵasy fılıal qyzmetkerlerimen kezdesýde.
Sapar barysynda Baǵdat Mýsın birneshe óndiristik nysandy aralady. Atap aıtqanda, baılanys baǵanalaryn aýystyratyn ýchaskelerge bardy. Sondaı-aq ol abonentterdi mys sym ınfraqurylymynan optıkalyq talshyqty jelilerge aýystyrý prosesimen tanysty. Bul boıynsha shamamen 20 myń qosylym josparlanǵan.
Sonymen qatar ınfraqurylymdy jańartý men energıany tıimdi paıdalaný boıynsha tehnıkalyq sheshimder qaraldy. Tekserý kezinde óńirlik derekterdi óńdeý ortalyǵyn jasaý jáne bar qýatty keńeıtý múmkindigi anyqtaldy. Bul ortalyq 50 serverlik tireýishke deıin jumys isteı alady, jalpy qýaty 1 MVt.
Aımaqtyń bolashaǵy
Sapardy qorytyndylaı kele, Kyzylorda oblysy sıfrlyq ózgeristerge tez beıimdelip kele jatqany atap ótildi. "Qazaqtelekom" kompanıasy sapaly qyzmet kórsetý men qyzmetkerlerdi qoldaýǵa basymdyq bere otyryp, Smart City jobalaryn keńeıtýdi jáne 5G jelisin damytý jumystaryn jalǵastyra beredi.
