Memleket basshysy byltyr bastalǵan “Aýyl amanaty” jobasynyń nátijesine “jaqsy” degen baǵa berdi, dep habarlaidy Dalanews.kz.
“Endi osy joba aiasynda taǵy bir jańa tásildi, iaǵni “taýar nesiesin” berý máselesin qarastyrý qajet. Aýyl turǵyndaryna óz ónimderin óńdeýge jáne satýǵa múmkindik beretin infraqurylym qurý óte mańyzdy. Ár aýdanda azamattarǵa túrli aýyl sharýashylyǵy daqyldaryn ósirýdi úiretetin ortalyq ashý qajet.
Osyndai joba "Amanat" partiiasynyń bastamasymen Jambyl oblysy Merki aýdanynda júzege asyryldy. Úkimet pen ákimder bul tájiribeni basqa da aimaqtarǵa taratýdy oilastyrýy kerek. Jalpy otandyq bizneske jáne shetel investorlaryna jol ashý – Úkimet pen barlyq memlekettik organnyń mindeti. Al olardyń, iaǵni biznestiń jáne investorlardyń zańdy qyzmetine kedergi jasaý asa aýyr quqyq buzýshylyq dep sanalýǵa tiis. Demek ondai áreketke jol bergender tiisti jazasyn alady. Men bul týraly únemi aityp júrmin. Al kásipkerler men investorlar óz jumysyn adal júrgizip, zańdy saqtap, salyq tóleýden jaltarmaýy kerek", - dedi Prezident.
