Aýyl sharýashylyǵy ministrliginiń burynǵy sheneýnigi 1,5 mlrd teńge kólemindegi sýbsidiiany jymqyrdy degen kúdikpen ustaldy, dep habarlaidy Dalanews.kz.
QMA Almaty oblysy boiynsha departamenti biýdjet qarajatyn jymqyryp olardy odan ári jylystatty dep kúdiktengen máslihattyń burynǵy depýtaty B.Q. Ábishevke jáne basqa da adamdarǵa qatysty tergeý isinde jańa faktiler anyqtaldy.
Tergeý nátijesinde burynǵy Aýyl sharýashylyǵy ministrligi departamentiniń direktory B.S.Aimbetovtyń 2018-2022 jyldar aralyǵynda Jambyl jáne Túrkistan oblystarynda sýbsidiia alý kezinde alaiaqtyqqa qatysy bar ekeni anyqtaldy.
B.K. Abishev pen B.S. Aimbetov 29 aýylsharýashylyq kooperativiniń elektrondyq tsifrlyq qoltańbalaryn paidalanyp, elitalyq túrdegi tańqýrai kóshetteriniń jalǵan jetkizilýi týraly qujattardy qoldana otyryp, jalpy somasy 1,5 milliard teńge bolatyn sýbsidiia alǵan.
Tergeý soty B.S. Aimbetovke qatysty eki aiǵa «qamaýda ustaý» sharasyn sanktsiialady.
Tergeý jalǵasýda.
