اۋىل شارۋاشىلىعى مينيسترلىگىنىڭ بۇرىنعى شەنەۋنىگى 1،5 ملرد تەڭگە كولەمىندەگى سۋبسيديانى جىمقىردى دەگەن كۇدىكپەن ۇستالدى، دەپ حابارلايدى Dalanews.kz.
قما الماتى وبلىسى بويىنشا دەپارتامەنتى بيۋدجەت قاراجاتىن جىمقىرىپ ولاردى ودان ءارى جىلىستاتتى دەپ كۇدىكتەنگەن ءماسليحاتتىڭ بۇرىنعى دەپۋتاتى ب.ق. ابىشيەۆكە جانە باسقا دا ادامدارعا قاتىستى تەرگەۋ ىسىندە جاڭا فاكتىلەر انىقتالدى.
تەرگەۋ ناتيجەسىندە بۇرىنعى اۋىل شارۋاشىلىعى مينيسترلىگى دەپارتامەنتىنىڭ ديرەكتورى ب.س.ايمبەتوۆتىڭ 2018-2022 جىلدار ارالىعىندا جامبىل جانە تۇركىستان وبلىستارىندا سۋبسيديا الۋ كەزىندە الاياقتىققا قاتىسى بار ەكەنى انىقتالدى.
ب.ك. ابيشيەۆ پەن ب.س. ايمبەتوۆ 29 اۋىلشارۋاشىلىق كووپەراتيۆىنىڭ ەلەكتروندىق سيفرلىق قولتاڭبالارىن پايدالانىپ، ەليتالىق تۇردەگى تاڭقۋراي كوشەتتەرىنىڭ جالعان جەتكىزىلۋى تۋرالى قۇجاتتاردى قولدانا وتىرىپ، جالپى سوماسى 1،5 ميلليارد تەڭگە بولاتىن سۋبسيديا العان.
تەرگەۋ سوتى ب.س. ايمبەتوۆكە قاتىستى ەكى ايعا «قاماۋدا ۇستاۋ» شاراسىن سانكسيالادى.
تەرگەۋ جالعاسۋدا.
