Kezdesý Kóksý qant zaýyty bazasynda ótti, onda mınıstrge qaıta óńdeý jelisi kórsetilip, jańǵyrtý jumystary jáne óndiristi ulǵaıtý josparlary týraly aıtyldy.
Qant qyzylshasyn óndirýshilermen kezdesý kezinde Erbol Qarashókeev qant salasyn damytý úshin mınıstrlik egis alqaptaryn ulǵaıtýdy yntalandyratynyn, aýyl sharýashylyǵy taýaryn óndirýshilerge tuqym, tyńaıtqyshtar men gerbısıdter, tehnıka satyp alýǵa jumsalǵan shyǵyndardy óteý kózdelgenin aıtty.
Sondaı-aq, salany tehnologıalyq qaıta jaraqtandyrý úshin ınvestısıalyq sýbsıdıalar men aınalym qarajatyn tolyqtyrýǵa jeńildikti kredıt beriletinin atap ótti.
AÓK damytý jónindegi ulttyq jobaǵa sáıkes, qolda bar qant zaýyttaryn jańǵyrtý jáne otandyq qantpen qamtamasyz etilý deńgeıin 80% deıin arttyrý josparlanyp otyr.
Salada birqatar jekelegen problemalyq máseleler bar, atap aıtqanda óńdeýge arnalǵan shıkizattyń jetispeýshiligi, onyń ishinde satyp alý qunynyń tómendigi, aýyspaly egisti saqtaýdyń problemalary, tehnıkalyq jaraqtandyrýdyń álsizdigi, sý resýrstarynyń jetkiliksizdigi jáne t. b.
Atalǵan máseleni jan-jaqty sheshý úshin mınıstrlik Premer-Mınıstrdiń tapsyrmasy boıynsha qant jáne qant qyzylshasyn óndirý tujyrymdamasyn ázirleýge kiristi.
Óz kezeginde óndirýshiler taýarlyq-materıaldyq qundylyqtar baǵasynyń ósýine, otandyq shıkizat óndirisiniń kólemin ulǵaıtýǵa, sý únemdeý tehnologıalaryn engizýge qatysty suraq qoıdy.
Kezdesý qorytyndysy boıynsha qant jáne qant qyzylshasyn óndirýshiler ózderiniń naqty usynystaryn daıyndaýǵa kelisti. Mınıstrlik ony muqıat qarap, qajet bolǵan jaǵdaıda qant jáne qant qyzylshasyn óndirý tujyrymdamasynyń jobasyna engizetin bolady.
Vedomstvo basshysy «Hılnıchenko jáne K» komandıttik seriktestiginde bolyp, dıirmendi, sút-taýar fermasyn jáne qaıta óńdeý sehtaryn aralap kórdi. Sonymen birge fermerlermen kóktemgi egis jumystaryna daıyndyq máselelerin, salany damytýdy, mınıstrliktiń aralasýyn talap etetin aǵymdaǵy júıeli problemalardy talqylady.
Mınıstrdiń ońtústik óńirlerge jasalǵan úsh kúndik jumys saparynyń qorytyndysy Úkimetke jetkizilip, agroónerkásiptik keshendi odan ári damytý boıynsha usynystar muqıat taldanyp, daıyndalatyn bolady.
