Aýyl sharýashylyǵy kásiporyndary úshin onlain-sanaq kezeńi 20 qyrkúiekke deiin uzartyldy. Barlyq zańdy tulǵalar, sharýa jáne fermer qojalyqtary, sondai-aq aýyl sharýashylyǵymen ainalysatyn jeke kásipkerler sanaqtan sanaq.gov.kz saitynda óte alady,- dep habarlaidy Dalanews.kz
Biýronyń tirkelimine sáikes, sanaq 22 myń iri kásiporyndy jáne 271 myń sharýa, fermer qojalyqtaryn jáne jeke kásipkerlerdi qamtýy tiis. Tamyz aiynda onlain-sanaqqa 574 myń respondent qatysty. Onyń ishinde 245,7 myńnan astamy – aýyl sharýashylyǵy qurylymdarynyń ókilderi, shamamen 328 myńy – úi sharýashylyqtary.
«Onlain-sanaq kezeńi jaqsy nátije kórsetti. Jedel derekter boiynsha sait arqyly saýalnamaǵa aýyl sharýashylyǵy qurylymdarynyń 84%-y qatysty. Aita ketý kerek, jalpy tizimge uzaq ýaqyt boiy belsendiligi joq, biraq tirkeýde turǵan kásiporyndar men qojalyqtar da engizilgen. Sondai-aq bailanys derekteri ózekti emes sýbektiler bar. Budan bólek, keibir respondentter jumysbastylyǵyna bailanysty sanaqtan ýaqytynda óte almaǵan. Qosymsha berilgen 20 kún olardyń osyndai mańyzdy memlekettik naýqannan tys qalmaýyna múmkindik beredi», – dedi Biýro basshysy Maqsat Turlybaev.Eske sala keteiik, onlain-sanaq kezeńi 1 tamyzda bastalyp, 31 tamyzda aiaqtalýy tiis bolǵan. Interviýerlerdiń úi sharýashylyqtaryn aralaityn ekinshi kezeń 20 qyrkúiekten 20 qazanǵa deiin bolady.
Aýyl sharýashylyǵy sanaǵyna qatysty barlyq suraq boiynsha 1446 bailanys ortalyǵyna saǵat 9.00-den 21.00-ge deiin qońyraý shalýǵa nemese sanaq saitynda ornalasqan Sanaq myrza chat-botyna jazýǵa bolady.
