اۋىل شارۋاشىلىعى كەسٸپورىندارى ٷشٸن ونلاين-ساناق مەرزٸمٸ ۇزارتىلدى

بيۋرونىڭ تٸركەلٸمٸنە سەيكەس, ساناق 22 مىڭ ٸرٸ كەسٸپورىندى جەنە 271 مىڭ شارۋا, فەرمەر قوجالىقتارىن جەنە جەكە كەسٸپكەرلەردٸ قامتۋى تيٸس. تامىز ايىندا ونلاين-ساناققا 574 مىڭ رەسپوندەنت قاتىستى. ونىڭ ٸشٸندە 245,7 مىڭنان استامى – اۋىل شارۋاشىلىعى قۇرىلىمدارىنىڭ ٶكٸلدەرٸ, شامامەن 328 مىڭى – ٷي شارۋاشىلىقتارى.

«ونلاين-ساناق كەزەڭٸ جاقسى نەتيجە كٶرسەتتٸ. جەدەل دەرەكتەر بويىنشا سايت ارقىلى ساۋالناماعا اۋىل شارۋاشىلىعى قۇرىلىمدارىنىڭ 84%-ى قاتىستى. ايتا كەتۋ كەرەك, جالپى تٸزٸمگە ۇزاق ۋاقىت بويى بەلسەندٸلٸگٸ جوق, بٸراق تٸركەۋدە تۇرعان كەسٸپورىندار مەن قوجالىقتار دا ەنگٸزٸلگەن. سونداي-اق بايلانىس دەرەكتەرٸ ٶزەكتٸ ەمەس سۋبەكتٸلەر بار. بۇدان بٶلەك, كەيبٸر رەسپوندەنتتەر جۇمىسباستىلىعىنا بايلانىستى ساناقتان ۋاقىتىندا ٶتە الماعان. قوسىمشا بەرٸلگەن 20 كٷن ولاردىڭ وسىنداي ماڭىزدى مەملەكەتتٸك ناۋقاننان تىس قالماۋىنا مٷمكٸندٸك بەرەدٸ», – دەدٸ بيۋرو باسشىسى ماقسات تۇرلىباەۆ.

ەسكە سالا كەتەيٸك, ونلاين-ساناق كەزەڭٸ 1 تامىزدا باستالىپ, 31 تامىزدا اياقتالۋى تيٸس بولعان. ينتەرۆيۋەرلەردٸڭ ٷي شارۋاشىلىقتارىن ارالايتىن ەكٸنشٸ كەزەڭ 20 قىركٷيەكتەن 20 قازانعا دەيٸن بولادى.

اۋىل شارۋاشىلىعى ساناعىنا قاتىستى بارلىق سۇراق بويىنشا 1446 بايلانىس ورتالىعىنا ساعات 9.00-دەن 21.00-گە دەيٸن قوڭىراۋ شالۋعا نەمەسە ساناق سايتىندا ورنالاسقان Sanaq myrza چات-بوتىنا جازۋعا بولادى.