«Aýyl» partiiasy bos jatqan jerlerdi igerýge sheteldikter men olardyń investitsiialaryn jumyldyrýdy usyndy. Bul týraly «Aýyl» HDPP tóraǵasy Áli Bektaev «Nur Otan» partiiasy tóraǵasynyń birinshi orynbasary Muhtar Qul-Muhamedtiń tóraǵalyǵymen ótken Demokratiialyq kúshterdiń «Qazaqstan – 2050« jalpyulttyq koalitsiiasynyń otyrysynda málimdedi.
«Jerdi jekeshelendirýge qatysty partiianyń pozitsiiasy anyq. Jer óz iesin tabýy kerek. Biraq, jerdi jekeshelendirý kezinde halyq, qoǵamdyq uiymdar, ákimdikter buny qatań baqylaýy qajet. Osy mehanizmder halyqqa tolyq jetkizilýi kerek.
Jerdi sheteldikterge jalǵa berý máselesine qatysty áńgime kóp kóterilip júr. Árine, jerdi ózimiz ǵana basyn tusap otyra berýimizge bolady. Biraq, jerdiń sapasyn jáne qunarlylyǵyn arttyrýǵa, jerden tiisti deńgeide ónim alýǵa búgingi tańda bizdiń jaǵdaiymyz kele bermeidi. Onyń ústine búgin igerilip jatqan 100 mln gektardan astam jer aýyl sharýashylyǵynda paidalanylmaidy. Sondai-aq, Qazaqstanda 100 mln gektardan astam bos jer bar, olar tipti qaraýsyz jatyr», — deidi Á.Bektaev.
Onyń aitýynsha, 100 mln gektardyń kóbi – tyńaiǵan jerler. Olardy igerý úshin úlken qarajat kerek. Osy bosalqy jerlerdi igergen kezde sheteldikterdiń, sheteldik investorlardyń jalǵa ala otyryp, investitsiialaýy qajet bolar.
Derekkóz: BNews.kz
