Aýditorlar Qazaqstanda 1,1 mlrd teńge tiimsiz jumsalǵanyn anyqtady, dep habarlaidy Dalanews.kz.
Aýdit materialdarynda kórsetilgendei, 2016-2017 jyldary «Innovatsiialyq tehnologiialar parki» AKQ sheńberinde 5 tehnologiialyq damý ortalyǵyn jáne 1 venchýrlik qordy qurýǵa biýdjetten 4,9 mlrd teńge bólingen. Nátijesinde 3 ortalyqtyń qyzmeti tiimsiz jáne nátijesiz bolyp shyqty, 2 kompaniia perspektivalyq damý josparlarynsyz jumys isteidi. Osylaisha, 3 mlrd teńge tiimsiz paidalanylǵan.
«Innovatsiialyq tehnologiialar parki» AKQ arqyly biýdjet esebinen 987 mln teńgeden astam somaǵa qarjylandyrylǵan 95 startapqa salynǵan investitsiialardyń nátijeliligi men tabystylyǵy rastalmai otyr. Bul rette 2018-2020 jyldary qarjylandyrylǵan 32 uiym taratylǵan, onyń 18-i májbúrleý tártibimen taratylǵan. Taǵy 21 kompaniia nóldik salyq eseptiligimen jumys isteidi, bul qyzmettiń joqtyǵyn kórsetken.
«Innovatsiialyq tehnologiialar parki» AKQ-ǵa 2015 jyldan 2024 jylǵa deiin biýdjet qarajatynan bólek jer qoinaýyn paidalanýshylardan ǵylymi-zertteý jáne tájiribelik-konstrýktorlyq jumystardy (ǴZTKJ) qarjylandyrý boiynsha mindettemeler retinde 41 mlrd teńge túsken. Bul rette «Innovatsiialyq tehnologiialar parki» AKQ saraptamalyq komissiiasy ǴZTKJ-ny qamtamasyz etýge jaýap bermeidi, bul osy baǵytta qabyldanatyn sheshimderdiń ashyqtyǵy men birtektiligine kúmán keltiredi. Nátijesinde 14,8 mlrd teńgege 179 joba negizinen biznestiń aǵymdaǵy mindetterin sheshýge baǵyttalǵan, al ǵylymdy damytýǵa jáne jańa tehnologiialardy jasap shyǵarýǵa yqpal etpegen.
Jalpy aýdit qorytyndysy boiynsha 1,1 mlrd teńgege qarjylyq buzýshylyqtar anyqtaldy. Biýdjet qarajaty men aktivterin tiimsiz josparlaý 2,2 mlrd teńge, al olardy tiimsiz paidalaný 46,5 mlrd teńge boldy.
Sondai-aq 45 júielik kemshilikter men 143 protsedýralyq buzýshylyqtar anyqtaldy.
