Memlekettik aýdit memlekettik baǵaly qaǵazdar naryǵynda negizsiz shyǵarylym faktisin anyqtady. Osyǵan bailanysty Qazaqstanda memlekettik baǵaly qaǵazdar shyǵarýdy retteý boiynsha jańa sharalar qabyldandy, dep habarlaidy Dalanews.kz.
Joǵary aýditorlyq palatanyń tapsyrmasy boiynsha memlekettik baǵaly qaǵazdardyń shyǵarylýyn retteýdi jetildirýdiń jańa sharalary qabyldandy. Olar memleket resýrstaryn paidalaný tiimdiligin arttyrýǵa jáne memleket boryshyn baqylaýdy kúsheitýge baǵyttalǵan.
"2024 jylǵy jeltoqsanda QR Qarjy ministrligi Qazynashylyq komitetiniń qyzmetine memlekettik aýdit júrgizildi. Sonyń ishinde 2021-2023 jyldardyń keibir ailarynda emissiialyq baǵaly qaǵazdar bastapqyda josparlanǵan kólemnen artyq shyǵarylǵany anyqtaldy. Alaida respýblikalyq biýdjettiń baqylaý shotynda qarajat bolady dep boljanǵan. Bul biýdjettiń 124 mlrd teńgeden astam yqtimal shyǵyndaryna ákeldi. Osyǵan bailanysty Joǵary aýditorlyq palata Qarjy ministrligine memlekettik qazynashylyq mindettemelerdi shyǵarý, ornalastyrý, ainalysqa qosý, qyzmet kórsetý jáne óteý erejesine ózgerister engizýdi tapsyrdy", delingen vedomstvo habarlamasynda.
Basty maqsat – aldaǵy kezeńge arnalǵan biýdjet qarajatynyń qaldyqtary boiynsha oń boljam bolǵan jaǵdaida ishki naryqta memlekettik baǵaly qaǵazdardyń negizsiz shyǵarylýyn boldyrmaý.
Nátijesinde Qarjy ministriniń biyl 30 mamyrdaǵy buiryǵymen qajetti ózgerister engizildi.
