Jetisý oblysynda biýdjet qarajatyn jymqyrý derekteri anyqtaldy, - dep habarlaidy Dalanews.kz.
Oblystyq prokýratýra málimetinshe, Kerbulaq aýdanynyń bilim bóliminiń esepshisi muǵalimderge jalaqy men demalys aqysyn zańsyz joǵarylatýmen qatar, bul uiymda múldem jumys istemeitin adamdarǵa tóleý arqyly 34 million teńge kólemindegi biýdjet qarajatyn jymqyrdy degen kúdikke ilinip otyr.
Al Sarqan aýdanynyń ákimdigi týristik oryndardaǵy ornatylmaǵan sanitariialyq-gigienalyq toraptar úshin 29 million teńgeden asa aqsha tólegen.
"Osy derekter boiynsha Jetisý oblysy prokýratýrasynyń Sotqa deiingi tergep-tekserý basqarmasy Qylmystyq kodekstiń 189-babynyń 4-bóliginiń 2-tarmaǵy (erekshe iri kólemdegi jymqyrý ) boiynsha sotqa deiingi tergep-tekserýdi bastady. Bul baptyń sanktsiiasynda belgili bir laýazymdardy atqarýǵa nemese belgili bir qyzmetpen ainalysýǵa tyiym sala otyryp, 12 jylǵa deiin bas bostandyǵynan aiyrý jazasy qarastyrylǵan", - dep jazylǵan vedomstvo habarlamasynda.
