Birneshe depýtat Májiliste kásipkerlerdiń quqyǵyn qorǵap, saýal joldady, - dep habarlaidy Dalanews.kz.
Azat Perýashev, Daniia Espaeva, Qazbek Isa, Erlan Barlybaev, Serik Erýbaev, Elnur Beisenbaev sekildi depýtattar QR premer-ministri Oljas Bektenovke jáne QR Bas prokýrory Berik Asylovqa úndeý jasady. Olardyń sózinshe, ártúrli saladan júginetin kásipkerler kóp. Al bul kásipkerler sheneýnikterdiń múlikti qaita bólý jáne biznesti reiderlik jolmen basyp alý úshin óz ókilettigin paidalaný úrdisiniń artyp kele jatqanyna shaǵymdanady.
Depýtattardyń sózinshe, soraqy mysaldyń biri Túrkistan oblysynda tirkelgen.
"Saryaǵash aýdanynyń ákimdigi Bolat Nazarbaevtyń múlkin qaitaramyz degen jeleýmen kórshiles kásipkerlerden 2017 jyly Qarjy ministrliginiń ashyq aýktsionynan biryńǵai lotpen satyp alynǵan shipajai nysandarynyń bir bóligin tartyp alǵan. Bul máseleni biz buǵan deiin de kótergenbiz. Biraq, sonymen qatar, kompaniia nysandaryn Bolat Nazarbaevtyń ózine qaitaryp berdi. Alaida adal kásipkerlerdiń nysandary tárkilengen kúiinde qalyp, shipajai 2 milliard teńge shyǵynǵa ushyrady", - dedi olar.
"QTJ" AQ sot arqyly "ANGRENSOR Ltd." JShS-ny 2011 jyly osy JShS salǵan, quny 1,5 mlrd.teńgeden asatyn Pavlodar oblysy Atyǵai stantsiiasyndaǵy ǵimarat pen temir joldardy tegin berýge mindettegen.
"Osyǵan uqsas jaǵdai Mańǵystaý oblysynda da boldy, onda Kólik ministrligi tipti sot arqyly emes, óz buiryǵymen 90-jyldardan beri "Kaskor-Transservis" AQ-na tiesili kirme temirjol joldaryn "QTJ" AQ-nyń magistraldyq jelileri tizimine engizip, olardyń memleket menshigine tegin ótýi týraly sheshim qabyldaǵan. Jambyl oblysy Merki aýdanynda da aýdan prokýratýrasy 2007 jyldan beri aýyl sharýashylyǵy ónimderin oidaǵydai damytyp kele jatqan "Jemis-Jidek" JShS-niń 200 gektar jerin tegin tartyp aldy.
Bul tendentsiia qarqyn alyp, memlekettik organdar ǵana emes, ózge monopolister de basqa kásiporyndardyń menshigine "qol salýǵa" áreket etýde. Máselen, jaqynda Tarazda "Jambyl elektr jelileri" JShS jún óńdeý fabrikasynan ("POSh-Taraz" JShS) osy fabrikaǵa tiesili elektr qosalqy stansasyn monopolistke aryzdaný quqyǵynsyz tegin berýdi talap etken. Ár túrli aimaqtardan keletin basqa da uqsas dabyldar bar. Qazirdiń ózinde múlikti qaita bólýdiń tutas tájiribesi baiqalyp otyr", - deidi olar.
Konstitýtsiianyń 6-babynda Qazaqstan Respýblikasynda memlekettik jáne jeke menshik birdei tanylady jáne birdei qorǵalady dep taiǵa tańba basqandai kórsetilgen.
"Eshkimdi jeke múlkinen aiyrýǵa bolmaidy, tek sot sheshimimen ǵana. Múlikti májbúrlep ielikten shyǵarý onyń qunyn óteý shartymen memleket muqtajy úshin alynǵan jaǵdaida ǵana múmkin – bul da Konstitýtsiia, 26-bap. Tárkileý de múmkin, biraq qylmystyq quqyq buzýshylyqtar úshin sot úkimi sheńberinde ǵana (QR QK 48-baby). Biraq biz kórsetken jaǵdailardyń barlyǵynda qylmystyq is joq, tárkilengen múlikti óteý de joq", - dedi depýtattar.
"Aq jol" fraktsiiasynyń depýtattary eski Qazaqstandy da atady. Olardyń sózinshe, zańsyz aktivterdi qaitaramyz degen jeleýmen keibireýler kásipkerlerdiń quqyǵyn taptap otyr.
"Reiderler keide eski Qazaqstan ókilderi men olarmen bailanysy bar oligarhtardyń zańsyz aktivterin qaitarý áreketterine de silteme jasaidy. Rasynda, eski Qazaqstannyń yǵai-syǵailarynyń zańsyz aktivterin qaitarý aiasynda da erikti protsedýra qarastyrylǵan. Biraq joǵaryda keltirilgen mysaldardyń eshqaisysynda oligarhtar týraly bir aýyz sóz joq. Kerisinshe, Saryaǵashtaǵy shipajaidaǵydai marqum B.N.-nyń kompaniiasyna nysandardy qaitaryp, osy syltaýmen adal kásipkerlerden aýktsion arqyly zańdy túrde satyp alynǵan múlikteri tárkilendi.
Búkil órkenietti álemde jeke menshikke qol suǵý - qylmys bolyp sanalady. Mysaly, AQSh zańy boiynsha múlikti qarý qoldaný arqyly qorǵaýǵa da bolady.
Prezident Q.Toqaev "Ekonomikany yryqtandyrý jónindegi sharalar týraly" Jarlyǵynda jeke menshikke qol suǵylmaýshylyqty qamtamasyz etýdi basty baǵyttardyń biri retinde belgiledi. Bul kezdeisoq emes, óitkeni menshik quqyǵy kez kelgen ekonomikanyń investitsiialyq ahýalyna tikelei áser etedi. Bizdiń jaǵdaida atalǵan úrdis Konstitýtsiiaǵa da, zańdarǵa da, Prezident Jarlyǵyna da qaishy keledi. Al bul otandyq investorlardyń da, sheteldik investorlardyń da senimine selkeý túsireri anyq – dál osy POSh-Taraz fabrikasy qazir sheteldik seriktestermen kelissózder júrgizip jatyr", - dedi depýtattar.
