31 tamyzda Qazaqstannyń barlyq óńirinde aýa raiy kúrt qubylady. «Qazgidromet» Astana, Almaty, Shymkent qalalary men oblystarda daýyldy eskertý jariialady, dep habarlaidy dalanews.kz.
Eldiń soltústiginde aýa temperatýrasy tómendep, topyraq betinde 3 gradýsqa deiin úsik júrýi múmýin. Qostanai oblysynyń kei jerlerinde jańbyr qar aralas jaýynǵa ulasýy múmkin. Ózge óńirlerde nóser jańbyr, naizaǵai, burshaq, tuman, shańdy daýyl jáne aptap ystyq boljanady.
Astanada túnde topyraq betinde 1 gradýsqa deiin úsik kútiledi.
Aqmola oblysynyń batysy men soltústiginde túnde jáne tańerteń tuman túsedi. Kúndiz soltústik aýdandarda azdaǵan jańbyr jaýyp, naizaǵai oinaidy. Oblystyń batysy, soltústigi men shyǵysynda topyraq betinde 3 gradýsqa deiin úsik júrýi múmkin. Kókshetaýda túngi úsik 2 gradýsqa deiin jetedi.
Soltústik Qazaqstan oblysynyń batysy men soltústiginde kúndiz jańbyr jaýyp, naizaǵai oinaidy. Burshaq jaýyp, jel kúsheiýi yqtimal. Túnde jáne tańerteń tuman túsip, topyraq betinde 3 gradýsqa deiin úsik kútiledi. Petropavlda kúndiz jańbyr, naizaǵai jáne ekpindi jel boljanady. Túnde jáne tańerteń tuman túsip, topyraq betinde 1 gradýsqa deiin úsik júredi.
Qostanai oblysynyń soltústigi men shyǵysynda kúndiz jańbyr jaýyp, naizaǵai oinap, burshaq túsýi múmkin. Kei aýdandarda jańbyr sońy qar aralas jaýynǵa ulasady. Batysy men soltústiginde tuman túsip, topyraq betinde 3 gradýsqa deiin úsik kútiledi. Oblystyń soltústik-batysy men shyǵysynda joǵary, al ońtústigi, ońtústik-shyǵysy men ortalyǵynda tótenshe órt qaýpi saqtalady.
Pavlodar oblysynyń soltústigi men ortalyǵynda túnde jáne tańerteń tuman túsedi. Osyndai aýa raiy Pavlodar qalasynda da boljanyp otyr.
Qaraǵandy oblysynyń ońtústigi men shyǵysynda jańbyr jaýyp, naizaǵai oinaidy. Kúndiz burshaq jaýyp, jel kúsheiýi múmkin. Soltústik jáne shyǵys aýdandarda tuman túsedi, al soltústikte 3 gradýsqa deiin úsik júredi. Oblystyń ońtústiginde tótenshe, ortalyǵynda joǵary órt qaýpi saqtalady.
Ulytaý oblysy men Jezqazǵanda tótenshe órt qaýpi seiilmeidi.
Shyǵys Qazaqstan oblysynyń soltústigi, shyǵysy men taýly aýdandarynda kei ýaqytta qatty jańbyr jaýyp, naizaǵai oinaidy. Kúndiz burshaq pen ekpindi jel boljanady. Túnde jáne tańerteń soltústik aýdandardy tuman basýy múmkin. Óskemende kúndiz jańbyr jaýyp, naizaǵai oinaidy.
Abai oblysynyń batysy, soltústigi men ortalyǵynda túnde jańbyr jaýady. Kei jerlerde jaýyn kúsheiip, naizaǵai oinaidy. Kúndiz oblystyń soltústigi, ońtústigi men ortalyǵynda qatty jańbyr, burshaq jáne ekpindi jel kútiledi. Shyǵysynda tuman túsedi, al ońtústik-batysynda tótenshe órt qaýpi saqtalady. Semeide jańbyr jaýyp, naizaǵai oinaidy.
Almaty oblysynyń soltústigi men taýly aimaqtarynda túnde azdaǵan jańbyr jaýady. Kúndiz oblystyń soltústigi, ońtústigi, ortalyǵy men taýly aýdandarynda ótkinshi jańbyr jaýyp, naizaǵai oinaidy. Soltústik jáne ortalyq aýdandarda shańdy daýyl turyp, kúndiz aýa temperatýrasy 35 gradýsqa deiin kóteriledi. Ortalyǵy, batysy men shyǵysynda tótenshe órt qaýpi saqtalady.
Almaty men Qonaevta kúnniń ekinshi jartysynda ótkinshi jańbyr jaýyp, naizaǵai oinaidy. Qonaevta 35 gradýsqa deiin aptap ystyq bolyp, tótenshe órt qaýpi saqtalady. Ile Alataýynda da tústen keiin jańbyr men naizaǵai boljanady.
Jetisý oblysynyń taýly aýdandarynda jańbyr jaýyp, naizaǵai oinaidy. Kúndiz taýly jerlerde jaýyn kúsheiip, burshaq túsip, jel ekpini artýy múmkin. Oblystyń ortalyǵy, ońtústigi men shyǵysynda tótenshe órt qaýpi saqtalady. Taldyqorǵanda kúndiz jańbyr jaýyp, naizaǵai oinaidy.
Jambyl oblysynyń soltústigi, ońtústigi men taýly aýdandarynda tańerteń jáne kúndiz jańbyr jaýyp, naizaǵai oinaidy. Burshaq pen ekpindi jel bolýy yqtimal. Oblys aýmaǵynda jáne Taraz qalasynda tótenshe órt qaýpi saqtalady.
Túrkistan oblysynyń taýly aýdandarynda kúndiz ótkinshi jańbyr jaýyp, naizaǵai oinaidy. Oblysta, sondai-aq Shymkent pen Túrkistan qalalarynda tótenshe órt qaýpi saqtalady.
Qyzylorda oblysynyń ortalyǵy men ońtústiginde shańdy daýyl boljanady. Óńir boiynsha tótenshe órt qaýpi saqtalady. Qyzylorda qalasynda da kúndiz shańdy daýyl turýy múmkin.
Aqtóbe oblysynyń soltústiginde túnde jáne tańerteń tuman túsedi. Soltústik-shyǵys, soltústik-batys jáne ortalyq aýdandarda joǵary órt qaýpi, al oblystyń basym bóliginde tótenshe órt qaýpi saqtalady. Aqtóbe qalasynda da tańǵy ýaqytta tuman boljanady.
Atyraý oblysy men Atyraý qalasynda tótenshe órt qaýpi saqtalady.
Mańǵystaý oblysynyń batysy, soltústigi men ortalyǵynda jańbyr jaýyp, naizaǵai oinaidy. Batysy men soltústiginde tótenshe, ortalyǵynda joǵary órt qaýpi bar. Aqtaýda kei ýaqytta jańbyr jaýyp, naizaǵai oinaidy.
Batys Qazaqstan oblysynyń soltústigi men shyǵysynda túnde jáne tańerteń tuman túsedi. Óńirdiń basym bóliginde tótenshe, soltústik-batysynda joǵary órt qaýpi saqtalady. Oralda tańǵy ýaqytta tuman túsip, joǵary órt qaýpi boljanady.
