Jangeldin aýylynda bir otbasynyń tórt múshesin óltirgeni úshin ómir boiyna bas bostandyǵynan aiyrylǵan Sultan Sarsemaliev ázirge tergeý izoliatorynda otyr, dep habarlaidy dalanews.kz.
Atyrau OIL redaktsiiasyndaǵy aqparatqa sáikes, ony jazasyn óteý ornyna etappen jiberýdiń keshigýine sottalǵan adamnyń psihologiialyq jaǵdaiyna bailanysty qaýip bolýy múmkin. Atap aitqanda, onyń ózine ziian keltirý qaýpi eskerilgen bolýy yqtimal.
Alaida bul málimetke qatysty ázirge resmi rastaý joq.
Buǵan deiin Sarsemaliev pen onyń qorǵaýshysy ómir boiyna bas bostandyǵynan aiyrý týraly úkimge shaǵym túsirmegeni belgili boldy. Osyǵan bailanysty sot úkimi zańdy kúshine endi.
Aldaǵy ýaqytta sottalǵan azamat ómir boiyna bas bostandyǵynan aiyrý jazasyn óteý úshin qylmystyq-atqarý júiesiniń tótenshe qaýipsiz mekemesine etappen jiberilýi tiis.
