Atyraý qalasynyń soty otbasylyq janjal kezinde óz ulyn birneshe jerinen pyshaqtap jaralaǵan er adamǵa qatysty qylmystyq isti qarady. Sot sheshimimen ol bas bostandyǵynan aiyrylǵan joq, dep habarlaidy dalanews.kz azh.kz-ke silteme jasap.
Is materialdaryna sáikes, janjal kezinde áke ulyna asúi pyshaǵymen alty ret soqqy jasaǵan. Saldarynan jábirlenýshi aýyr dene jaraqatyn alǵan. Aiyptalýshy sotta kinásin tolyq moiyndap, jasaǵan isine ókinetinin aitty.
Sot otyrysynda jábirlenýshi ákesine eshqandai talaby joq ekenin, onymen tatýlasqanyn jáne ony bas bostandyǵynan aiyrmaýdy surady.
"Ákemmen tatýlastym. Oǵan qoiatyn talabym joq. Ony túrmege qamaýdy suramaimyn", - dedi jábirlenýshi sotta.
Sot aiyptalýshynyń kinásin moiyndaýy, jábirlenýshimen tatýlasýy jáne basqa da jeńildetetin mán-jailardy eskerip, oǵan shartty jaza taǵaiyndady. Osylaisha, er adam koloniiaǵa jiberilgen joq.
