Atyraý oblysynyń Jangeldin aýylynda bir otbasynyń tórt múshesin óltirgeni úshin ómir boiyna bas bostandyǵynan aiyrylǵan Sultan Sársemáliev ázirge tergeý izoliatorynda qalyp otyr, dep habarlaidy dalanews.kz.
Atyrau OIL málimetinshe, sottalǵan azamatty jazasyn óteitin mekemege etappen jiberý ázirge júzege aspaǵan.
Basylym onyń ózine ziian keltirý qaýpi eskerilip otyrǵan bolýy múmkin ekenin jazady. Alaida bul aqparat resmi túrde rastalǵan joq.
Buǵan deiin Sultan Sársemáliev pen onyń qorǵaýshysy ómir boiyna bas bostandyǵynan aiyrý týraly úkimge apelliatsiialyq shaǵym túsirmegeni habarlanǵan.
Osyǵan bailanysty sot sheshimi zańdy kúshine endi.
Endi sottalǵan azamat ómir boiyna bas bostandyǵynan aiyrý jazasyn óteý úshin qylmystyq-atqarý júiesiniń tótenshe qaýipsiz mekemesine jiberilýi tiis.
Ázirge onyń naqty qai mekemege jáne qashan etappen jóneltiletini belgisiz.
