Atyraý oblysynda Áleýmettik qorǵaý salasyndaǵy retteý jáne baqylaý komiteti departamentiniń basshysy Baýyrjan Asainov óli tabyldy, dep habarlaidy dalanews.kz.
BAQ málimetinshe, er adamnyń súiegi 18 qazanda ózi turǵan páterden tabylǵan. Asainov qaitys bolǵanyn áriptesteri de rastaǵan. Olar vedomstvonyń resmi paraqshasynda qazanama jariialaǵan.
"Aq Jaiyq" basylymy málimetinshe, súiek tabylǵan kezde er adam páterde jatqanyna shamamen eki apta bolǵan. Osy ýaqyt aralyǵynda úige jylý berilgen. Bul súiektegi ózgeristerdi jedeldetip, ólim sebebin anyqtaýdy qiyndatýy múmkin.
Baýyrjan Asainov 2023 jylǵy 4 qańtardan bastap Atyraý oblysynda Áleýmettik qorǵaý departamentin basqarǵan. Buǵan deiin prokýratýrada, Memlekettik qyzmet isteri agenttiginde, Indýstriia jáne jańa tehnologiialar ministrliginde jumys istegen. Sondai-aq, Densaýlyq saqtaý ministrligi Sanitariia-epidemiologiialyq baqylaý komitetiniń ishki qaýipsizdik basqarmasyn basqarǵan.
