Atyraý oblysynda qamys iri kólemde órtenýine bailanysty qalaǵa tútin men kúiik iisi tarady, dep habarlaidy dalanews.kz.
Oblystyq Tótenshe jaǵdailar departamenti málimetinshe, órt Erkinqala aýylynan Kaspii teńizi jaǵalaýy baǵytynda shamamen 40 shaqyrym jerde ornalasqan batpaqty aýmaqta shyqqan.
Órt 34 gektar aýmaqty sharpyǵan. Onyń 18 gektaryndaǵy jalyn órtsóndirýshilerdiń kúshimen sóndirilse, taǵy 4 gektardaǵy órt ózdiginen toqtaǵan.
Órtke bailanysty Atyraý oblysy ákiminiń tóraǵalyǵymen jedel keńes ótti. Jiynda órtti sóndirý jumystary talqylanyp, oǵan Tótenshe jaǵdailar departamentiniń ókilderi, Isatai jáne Mahambet aýdandarynyń basshylyǵy, sondai-aq, jaýapty qyzmetterdiń jetekshileri qatysqan.
Ákimdiktiń baspasóz qyzmeti málimetinshe, qamys órti Isatai men Mahambet aýdandarynyń shekarasynda, Kaspii teńizine jaqyn aýmaqta bolǵan. Órt "Aqjaiyq" memlekettik tabiǵi rezervaty aýmaǵynan tys jerde tirkelgen.
Oqiǵa ornynda jedel shtab jumys istep jatyr.
