Atyraý oblysynda «Potentsial Oil» JShS ekologiialyq zańnamany buzǵany úshin salynǵan 1,43 mlrd teńgeden astam aiyppuldy tolyq tóledi, dep habarlaidy dalanews.kz.
Atyraý oblysynyń Ekologiia departamenti júrgizgen tekserý barysynda kásiporynda birqatar zań buzýshylyq anyqtalǵan.
Atap aitqanda, óndiristik ekologiialyq baqylaý talaptarynyń tiisti deńgeide oryndalmaǵany, aǵyndy sýlarǵa monitoring júrgizý tártibiniń buzylǵany, sondai-aq mindetti ekologiialyq eseptiliktiń tapsyrylmaǵan, keshiktirilgen nemese durys rásimdelmegen jaǵdailary tirkeldi.
Sonymen qatar lastaýshy zattardyń shyǵaryndylary, tiisti ekologiialyq ruqsatsyz jekelegen jumystardy júrgizý, belgilengen shyǵaryndylar normativterinen asyp ketý jáne óndiris pen tutyný qaldyqtaryn basqarý talaptaryn buzý faktileri anyqtaldy.
Tekserý kezinde qajetti ekologiialyq ruqsattar men bekitilgen limitter bolmaǵan jaǵdaida lastanǵan topyraq pen túptik shlamnyń jinalǵany da belgili boldy. Budan bólek, kásiporynnyń qaldyqtardy basqarý baǵdarlamasy is júzinde túziletin qaldyqtardyń kólemi men túrlerine sáikes kelmegen.
Tekserý qorytyndysy boiynsha 37 ákimshilik quqyq buzýshylyq týraly hattama toltyrylyp, jalpy somasy 1 433 815 923 teńge bolatyn jeti ákimshilik aiyppul salyndy.
«Potentsial Oil» JShS bul sharalarǵa sot arqyly shaǵymdanǵan. Alaida birinshi jáne apelliatsiialyq instantsiiadaǵy sottar kompaniianyń shaǵymdaryn qanaǵattandyrmady.
Qazirgi ýaqytta 1,4 mlrd teńgeden astam aiyppul tolyq kólemde memleket kirisine óndirildi.
