Atyraý oblysynyń Inder aýdanynda bolǵan jol-kólik oqiǵasy tórt adamnyń ómirin qidy, dep habarlaidy dalanews.kz.
Atyraý oblystyq politsiia departamentiniń málimetinshe, qaiǵyly oqiǵa 29 mamyr kúni tańǵy saǵat 06:30 shamasynda aýdan aýmaǵyndaǵy avtojoldyń 15-shaqyrymynda bolǵan.
Aldyn ala málimet boiynsha, Hyundai Sonata avtokóligi aýdarylyp ketken. Kólik tizgininde 41 jastaǵy júrgizýshi otyrǵan.
Jol apaty saldarynan júrgizýshi men onyń úsh jolaýshysy oqiǵa ornynda kóz jumdy. Taǵy bir jolaýshy túrli dene jaraqattarymen aýdandyq aýrýhanaǵa jetkizilgen.
Qazirgi ýaqytta atalǵan derek boiynsha sotqa deiingi tergeý amaldary bastalyp, jol apatynyń barlyq mán-jaiy anyqtalyp jatyr.
