Atyraý – Aqtóbe baǵytyndaǵy jolaýshylar poiyzynda 44 jastaǵy er adam qaitys boldy. Keiin onyń poiyzǵa biletsiz mingeni, al jolseriktiń bul derekti jasyrý úshin marqumnyń atyna bilet satyp alǵany anyqtaldy, dep habarlaidy dalanews.kz.
Aldyn ala málimet boiynsha, poiyz 12 shilde kúni Atyraý stantsiiasynan shyǵyp, kelesi kúni tańerteń Aqtóbege jetken.
Sapar barysynda biletsiz mingen jolaýshynyń júregi kenetten toqtap, ol kóz jumǵan. Osydan keiin vagon jolserigi marqumnyń jeke kýáligin paidalanyp, onyń atyna resmi bilet rásimdegen.
Boljam boiynsha, qyzmetker vagonda biletsiz jolaýshy bolǵanyn jasyrýǵa árekettengen.
Oqiǵadan keiin "Qazaqstan temir joly" ulttyq kompaniiasy qyzmettik tekserý bastaǵan. Vagon jolserigi men osy ýchaskeniń bastyǵyna qatań sógis jariialandy.
Kompaniia ókilderiniń málimetinshe, kináli qyzmetkerlerge qatysty tekserý jalǵasyp jatyr. Onyń qorytyndysy boiynsha olar teris sebeptermen jumystan bosatylýy múmkin.
Oqiǵanyń barlyq mán-jaiyn politsiia da anyqtap jatyr.
